Өнөөдөр 12 настай эмэгтэй хүүхдийн алга болсон хэрэг Монгол улсын бүх иргэдийн анхаарлын төвд орсон, чухал хэрэг болоод байна. Энэ хэргийн талаар цахим хаягтай хүн бүхэн өөрийн байр сууриа илэрхийлсээр буй. Цагдаагийн байгууллагаас охиныг олоогүй, албан мэдээлэл хүлээ гэдэг байр суурьтай байна.
Тэгвэл Хөдөлмөр нийгмийн хамгааллын сайд Х.Булгантуяа өнөөдөр хэвлэлд мэдээлэл өгөхдөө "Манай улс 1.2 сая орчим мянган хүүхэдтэй. Ганцхан хүүхэд хамгааллын байгууллагаас гадна Боловсролын яам, цагдаа, иргэд олон нийт бүгд хамтран ажиллах хэрэгцээ шаардлага байгааг сүүлийн үед болж буй гэмт хэрэг, ослууд харуулж байна.
Хүчирхийллийн гэмт хэрэг үйлдсэн хүний хэрэг нь тогтоогдвол зураг, нэртэй нь олон нийтэд зарладаг болох хэрэгтэй. Тэгэхгүй бол нууцлагдмал байдалтай, шийтгүүлж гарч ирээд буцаад хэрэг үйлдээд байна. Хүчирхийллийн гэмт хэрэг үйлдсэн хүмүүсийн мэдээллийг холбогдох хуулиудад өөрчлөлт оруулж олон нийтэд зарлах нь зүйтэй гэж үзэж байгаа" гэдгийг онцлов.
Тэгвэл монгол улсын хэмжээнд аймгуудад камержуулалт маш бага байгаа нь төсөв мөнгөтэй холбоотой байгаа. Төсвийг баталдаг ч зарим тохиолдолд хангалттай хүрэлцээнд биш байгаа нь дээрх хэргээс харагдаж байна.
Нэгэн жишээ дурьдахад Хөдөлмөр нийгмийн хамгааллын сайд Х.Булгантуяа хөдөлмөрийн салбарт "Таамаглалын загвар хийлгэх" нэрээр 100 саяар хийх боломжтой ажлыг 750 саяар тендер зарлаж, одоогийн ерөнхий сайдын ахлах зөвлөх Д.Амгаланбаатарын хамаарал бүхий компанид 695,200,000 төгрөгөөр өгчээ.
Үүний оронд энэ төсвийг хүүхэд хамгаалах салбарт зориулсан бол байдал дээр байх байсан ч юм билүү. Монголын ард иргэд өдөр бүр алга болсон, амь үрэгдсэн хүүхдийн мэдээнд дарагдаж дууслаа шүү дээ. Бараг л хүүхдийн нас барсан, эндсэн мэдээ өнөөдөр эх орондоо, аав ээждээ ирсэн хүүхдийн тоотой дүйцэх хэмжээнд хүрээд байна.
Тендертэй холбоотой мэдээллийг дараах мэдээллээр баталгаажуулав.
Тендерт хаалтгүй шалгарсан "Эм Эм Си Жи" ашгийн төлөө ХХК-ны эцсийн өмчлөгч Д.Амгаланбаатар нь “Азийн хүлэг улс” бодлогын судалгааны хүрээлэнгийн сургалт, судалгаа хариуцсан дэд тэргүүн, Ерөнхий сайдын ахлах зөвлөх албан тушаалтай, Хэнтийн аймгийн Иргэдийн төлөөлөгч юм.
