БНСУ-ын Чусон Их сургуулийн захирал, доктор, профессор ноён Мин Ёнг Дун, тус сургуулийн Ахисан түвшний сургалтын албаны дарга Чон Жин Чоль, тус сургуулийн Гадаад харилцааны албаны захирал Мин Гён Хе болон Чусон их сургуулийн Гадаад харилцаа хариуцсан ажилтан Ч.Анударь нар өнөөдөр (2023.07.21) Баянгол дүүрэгт зочиллоо.

Зочдыг Баянгол дүүргийн Засаг даргын үүргийг гүйцэтгэгч Д.Жаргалсүрэн, ЗДТГ-ын дарга Б.Нарангэрэл, Төрийн захиргаа, удрдлагын хэлтсийн дарга Б.Мөнгөнхуяг, Нийгмийн хөгжлийн хэлтсийн ахлах мэргэжилтэн Г.Баялагмаа нар хүлээн авч уулзлаа. Уулзлатын үеэр  ерөнхий боловсролын сургуулиудтай боловсрол, соёлын төслүүдийн хамтын ажиллагаа, солонгос хэлний боловсрол, хөтөлбөр үйл ажиллагааны чиглэлээр хамтын ажиллагаагаа өргөжүүлэх талаар ярилцаж, санал солилцлоо.  

БНСУ-ын Гуанжу хотын Чусон их сургуулийн урилгаар дүүргийн Засаг дарга Ө.Сумъяабаатар өнгөрсөн оны 12 дугаар сард БНСУ-ын Гуанжу хот, Дунггү дүүрэгт ажиллаж Чусон Их сургуультай хамтын ажиллагааг эхлүүлж тус сургуулийн үйл ажиллагаатай танилцах, хамтын ажиллагааг боловсролын салбарт эхлүүлэх, хамтран ажиллах, харилцан ойлголцлын “Санамж бичиг”-ийг байгуулсан. Дээрх санамж бичгийн хүрээнд 2023 оны 4 дүгээр сард боловсролын байгууллагуудын хамтын ажиллагаа түншлэлийг бэхжүүлж, багшийн мэргэжлийн тасралтгүй хөгжлийг дэмжих, төгсөх ангийн сурагчдыг Чусон их сургуульд элсэн суралцах нөхцөлийг бүрдүүлэх,  багш сурагч солилцоо хөтөлбөр хэрэгжүүлэх зорилгоор төрийн өмчийн сургуулийн захирлууд тус сургуулийн үйл ажиллагаатай танилцаж, хамтран ажиллах санал солилцсон юм.

БНСУ-ын Гуанжу хотын Чусон их сургууль нь анх 1946 онд үүсгэн байгуулагдсан,76 жилийн түүхтэй Солонгос улсын шилдэг 15 сургуулийн нэг бөгөөд дэлхийн шилдэг, нэр хүн бүхий хэд хэдэн сургуультай гадаад хамтын ажиллагаатай юм. Мөн оюутан, багш солилцоог олон байгууллагатай хамтран хэрэгжүүлдэг хүмүүнлэгийн болон урлаг, байгалийн шинжлэх  сургууль юм.

Тус сургуульд нийт 26,556 оюутан суралцаж байгаагаас гадаадын 571 оюутан суралцаж байгаа ба гадаад хамтын ажиллагааны хүрээнд Монгол улстай нягт холбоотой ажиллахын зэрэгцээ Баянгол дүүргийн ерөнхий боловсролын 40 дүгээр сургуультай хамтран ажиллах санамж бичиг байгуулан, цахимаар солонгос хэл сонирхон судалж буй 20 гаруй сурагчдад солонгос хэл, соёлын сургалтыг зохион байгуулан хэлний бэлтгэл хичээл цахимаар өгч байна.