Хотын дарга Д.Сумъяабазар ажлаа авснаас хойш буюу 1000 хоногт хэрэгжүүлсэн Гурван суурьт хөтөлбөр буюу Эрх зүй, Эдийн засаг, Эрүүл засаглалын хөтөлбөр болон цаашид хийж хэрэгжүүлэх ажлын талаар Улаанбаатар хотоос сонгогдсон УИХ-ын гишүүдэд танилцууллаа.
Энэ үзэр Улаанбаатарын түгжрэлийг бууруулах шийдлийн талаар Хотын дарга Д.Сумъяабазар "Шархад, Улиастай, Сэлбэ гэх дэд төвүүдэд суурилсан их, дээд сургуулиудыг гаргах бодлогыг хэрэгжүүлмээр байна. Зарим их, дээд сургуулийг Дархан, Багануур руу нүүлгэх талаар өчнөөн олон жил ярьсан.
Тухайлбал,
- ШУТИС-ийг Шархад руу
- СУИС-ийг Сэлбэ рүү
- АШУҮИС-ийг Амгалан руу
- МУБИС-ийг Ханын материал руу
- Худалдаа үйлдвэрлэлийн их сургуулийг Баянхошуу руу гэх мэтчилэн хэдэн тийшээ гаргавал Улаанбаатар хотын түгжрэлийг бууруулахад нөлөөлнө.
Зарим их, дээд сургуулийг хөдөө орон нутаг руу нүүлгэснээр тэнд бизнесийн орчин, үйлчилгээ илүү хөгжинө. Орон нутгийн төсвийн бааз суурийг нэмэгдүүлэх эерэг дам нөлөөг бий болгоно гэсэн үг" хэмээн хэллээ.
