"Автомашингүй өдөр", “Улаанбаатар марафон-2023” олон улсын гүйлтийн тэмцээн болж байгаатай холбоотойгоор өнөөдөр зарим замын хөдөлгөөнийг 06:00-18:00 цагийн хооронд хязгаарлалаа. Зам хаасантай холбоотойгоор 40 чиглэлийн 439 автобусны чиглэлд өөрчлөлт оруулаад байна.

Тодруулбал, Их тойруугаар явах чиглэлүүдэд Баянбүрд, Үндэсний шуудан, Сансрын ШТС, Нарны замаар явах чиглэлүүдэд “Жигүүр гранд”, Замын цагдаагийн газар, “Миний дэлгүүр”-ийн автобусны зогсоолоос сууж байна.

Харин босоо чиглэл буюу хойноос урагш явах чиглэлүүдэд Ногоон нуур, 120 мянгат, Төв цэнгэлдэх хүрээлэн, Баруун 4 замыг дайран өнгөрөх чиглэлүүдэд МҮЭСТО, “Элба” төв, “Бөмбөгөр “худалдааны төв, “Нарны титэм”-ийн автобусны зогсоол, Зүүн 4 замыг дайран өнгөрөх чиглэлүүдэд Сансрын үйлчилгээний төв, Хавдар судлалын эмнэлгийн автобусны зогсоолоос үйлчлүүлэх юм.

Түүнчлэн хотын төвийн буюу Их тойруу доторх гол гудамж, замуудыг хаах үед нийтийн зорчигч тээврийн үйлчилгээний чиглэлүүд хойгуураа Их тойруугийн гудамж, урдуур Нарны зам, Намъяанжугийн гудамжаар явах бөгөөд хойноос урагш болон урдаас хойш явдаг босоо чиглэлүүд Баруун 4 зам, Нарны гүүр, Зүүн 4 замаар үйлчилж, 18:00 цагаас хойш үндсэн чиглэлийнхээ дагуу үйлчилгээ үзүүлнэ.

Энхтайваны өргөн чөлөөний Баруун 4 замаас Зүүн 4 зам хүртэлх хэсгийн хөдөлгөөн хаахтай холбоотойгоор тухайн өдөр троллейбусаар үйлчилдэг Т:2 "5 шар - Ботаник", Т:5 "3,4 хороолол-Офицеруудын ордон", Ч:63Б “Дүнжингарав худалдааны төв-Баянмонгол хороолол-Төв номын сан”, Ч:29Б: “Зүүн дөрвөн зам-Сансар-Вокзал” чиглэлүүд үйлчилгээнд явахгүйг анхааруулж байна.

Мөн “Улаанбаатар марафон-2023” олон улсын гүйлтийн тэмцээний үеэр хаагдсан зам талбайд эмнэлгийн таван цэг ажиллаж байна.

Тодруулбал,

2. Тунелын уулзварт

3. Чойжин ламын сум музейн дэргэд

4. 45 дугаар сургууль буюу ОБЕГ-ын хажууд

5. Хүүхдийн урлан бүтээх төвийн урд Модерн номадсын хойд хэсэгт байрлах юм.

Мөн МУИС болон Багшийн дээдийн уулзвар, Бишрэл их сургуулийн дэргэд түргэн тусламжийн машин нэмэлтээр зогсож иргэдэд үйлчилнэ.