Монголын бүх комедианууд цугларч шоудах гэж байна.
Дэлхийн дулаарал биднийг тойрсон бололтой. Зуны халуун өдрүүдийг мэдэрч амжаагүй байхад намар эхлэв. Гэсэн ч бас намар болсонгүй ээ. Хүйтэн салхи, цастай бороотой өдрүүд өнгөрөв. Азаар энэ долоо хоногт цаг агаарын бурхан тэнгэр биднийг харж үзсэн гэхээр байна. Ирэх долоо хоногоос эрс хүйтрэх төлөвтэй байгааг цаг уурын урьдчилсан мэдээ харуулж байна. Гэхдээ бидэнд зуны аагим халуун өдрийг мэдрүүлэх хамгийн сүүлчийн террассан дээрх шоу болох гэж байна. Намрын сүүлийн дулаан өдрийг зуны аагим, хөлс урссан өдрөөр солиход бэлэн байна уу!
"Rooftop Jokes" жөүк хэмээх энэхүү шоу нь хотын зүрхэнд, УИД-ийн 7 давхарт NEW YORK EMPIRE рестораны террас дээр болох аж. Шоуны гол онцлог нь Улаанбаатарт үйл ажиллагаа явуулж буй бүх комеди клубүүдийн төлөөллүүд тайзнаа гарах ба афтер партид комеди хийдэг хэн бүхэн уригджээ.
Мөн тус шоунд уриалгаар Артист Quiza, DJ Энх-Амар нар оролцох юм байна.
BigSistas comedy crew-гийн зохион байгуулж буй уг шоунд UB comedy, Comedy Lab, Clap comedy клубуудын төлөөлөл: Комедиан Амараа, Номи, Даби, Хорлоо, Цээгий, Баам, Баттөгс, Заяа, Хүрлээ болон Рэнцээ нар тайзан дээр гал асааж, харин зохион байгуулагч, хөтлөгчөөр Хүний эрхийн активист, Бигсиста бүлгэмийн комедиан Үлэмж ажиллана.
Дашрамд, комеди урлаг хөгжиж эхэлснээс хойш үйл ажиллагаа явуулж байгаа бүх клубүүдийн комедианууд анх удаагаа хоорондоо өрсөлдөх бус харин нэг оройг нэгдэн зуны хаалтаа хийх гэж байгаа нь энэ ажээ.
Дээвэр дээрх жөүк шоу Есдүгээр сарын 10-ны өдөр 19:00 цагаас УИД-ийн 7 давхарт NEW YORK EMPIRE рестораны террас дээр эхэлнэ ээ.
