Улсын баатар Э.Бат-Үүл өлсгөлөн зарлах болсноо мэдэгдэв. Энэ тухай түүний өмгөөлөгч Г.Пүрэвдулам өчигдөр орой мэдээлсэн байна. Түүний сүүлд бичсэн Украйны талаарх нийтлэлийн дараа хорих 409-р ангийн удирдлага Э.Бат-Үүлийн захидал харилцааны эрхийг нь хасчээ. Энэ үйлдлийг Э.Бат-Үүл дээрээс, прокурорын өгсөн үүрэг даалгавар хэмээн үзэж, хууль зөрчин хүний эрхийг гаргуунд нь гаргасан энэ үйлдлийг нь эсэргүүцэн хорих ангийн дотор өлсгөлөн зарлахаар болсон байна.

Сануулахад хорих ангид суулт хийх, өлсгөлөн зарлахыг Шүүхийн шийдвэр гүйцэтгэх тухай хуулиар хориглочихоод байгаа. Өмнө хуулиар хориглоогүй байсан энэ нь үйлдэл нь тэмцлийн хамгийн хурц хэлбэрт тооцогддог бөгөөд хоригдлын амь нас, эрүүл мэндэд аюултай байсан учир хуульд өөрчлөлт оруулсан юм байна.

Товчхон хэлбэл, хорихын удирдлага болон прокурорын байгууллагаас Э.Бат-Үүлийн хууль ёсны эрхийг хассан, хавчин гадуурхсан үйлдлийг удаа дараа гаргаж байгаа тул түүний хувьд арга буюу хууль зөрчсөн, нөгөө талаас амь нас, эрүүл мэндээрээ дэнчин тавьсан тэмцлийн хурц хэлбэрийг сонгоод байна.