Монгол Улсын Хөгжлийн Банк өчигдөр буюу нэгдүгээр сарын 31-нд нийт зээлийн багцаа танилцуулсан.
Уг мэдээллээр нийт чанаргүй зээлээс гадна эргэн төлөлтөд зөрчил үүссэн 836.6 тэрбум төгрөгийн дүн бүхий 10 зээлийн мэдээллийг ил болгосон билээ.
Эдгээр 10 зээлдэгч дунд УИХ-ын гишүүн Г.Дамдиннямын хамаарал бүхий "Вертекс Майнинг Партнер" компани бичигджээ. УИХ-ын гишүүн Г.Дамдинням 2020 оны Хөрөнгө орлогын мэдүүлэгдээ тус компанийн нэрийг ВМП хэмээн товчилж мэдүүлжээ. "Вертекс Майнинг Партнер" компани Хөгжлийн Банкнаас 2020 оны эхээр 33 тэрбум төгрөгийн зээл авсан бөгөөд өнөөдрийн байдлаар зээлийн өрийн нийт үлдэгдэл 33.14 тэрбум төгрөг.
Гэвч УИХ-ын гишүүн Г.Дамдинням "Вертекс Майнинг Партнер" компанид эзэмшиж байсан хувиа зарсан, уг зээлтэй хамааралгүй гэв. 
УИХ-ын гишүүн Г.Дамдинням 2020 оны Хөрөнгө орлогын мэдүүлэг.
Тус компанийг мэдээллийг Улсын Бүртгэлийн ерөнхий газрын burtgel.mn сайтаас хайж үзвэл 2017 оны есдүгээр сарын 28-нд байгуулагдсан ба Гүйцэтгэх захирлаар нь Хассуурийн Хашчимэг 2019 оны арванхоёрдугаар сарын 27-нд бүртгэгдсэн байна.
Эх сурвалж: ikon.mn
