Ерөнхийлөгч У.Хүрэлсүхийн чиглэл өгч, Засгийн газраас өргөн мэдүүлнээр өнөөдрийн УИХ-ын ээлжит бус чуулганаар энэ оны төсөвт тодотгол хийх асуудлыг хэлэлцэж байна.

Энэ үеэр УИХ-ын гишүүн Н.Учрал ахмадуудын тэтгэврийг нэмэхийг дэмжиж буйгаа илэрхийлээд Т.Доржханд гишүүнийг нэлээдгүй шүүмжилж, үргэлжлүүлэн #NoDoubleStandart хөдөлгөөний зохицуулагч Э.Одбаяр луу дайрав. 

Тэрээр тойргийн сонгогчдодоо хэвийн боов тараасан гэх шүүмжлэлд өртсөн юм. Үүний дараа буюу өнгөрсөн мягмар гаригт УИХ-ын гишүүн С.Одонтуяа, Т.Доржханд нарын төрийн түшээ иргэдэд эд зүйл тараахыг хориглосон хууль санаачилна гэдгээ мэдэгдсэн билээ.

Тэгвэл УИХ-ын гишүүүн Н.Учрал өнөөдрийн чуулган дээр "Өнөөдөр ахмадууд үнэхээр ядуу амьдарч байна. 80 хувь нь хөдөлмөрийн хөлснөөс доод хэмжээний орлоготой. Би тэтгэвэрийн шинэчлэлийг олон жил ярьсан. УИХ-ын даргаас захирамж гаргаж Ажлын хэсэг байгуулаад, хувийн тэтгэврийн хуулийг санаачлаад өргөн барьсан. Үүнээс хойш нэг жил хагас болж байна. Засгийн газартай хамт хэлэлцээд явъя гэж байгаа. Ингэж углуургаар нь авч хэлэлцэхгүй бол косметик засвар цаашдаа амжилтанд хүрэхгүй. Тийм ч учраас энэ Оюутолгойгоос орж ирж байгаа баялгийг тэтгэврийн санд хуримтлуулах, хуримтлалын нэгдсэн сантай болох ажлаа даруй хийх шаардлагатай байна. 

Дээрээс нь тэтгэврээр их улс төрждөг боллоо. Нэг хууль санаачилж үзээгүй Т.Доржханд гэдэг поп нөхөр С.Одонтуяа гэдэг хүний тархийг угаагаад ул боов тараахыг хуульчлах юм гэнэ. Нэг ийм хийх ажилгүй нөхөртэй боллоо. Хэдэн жагсагчдад мөнгө өгөөд наадамгүй болгосон. Бөх нь ч барилдаж чадахаа больсон. Сүүлдээ цагаан саргүй болж, ахмадаа дээдэлж хүндэлж чадахаа болих юм байна.

АН-ын мөнхийн дарга С.Эрдэнэ гэдэг хүнээс Нийгмийн даатгалын мөнгийг олж авмаар байна. Тэр хүүд нь гудамжинд жагсаж байхаар аавынхаа гэрт очиж мөнгө олж ир гэж хэлье. Одоо дуртай болгон нь дуугардаг, жагсдаг болох нь” гэв.