Монгол улсын Ерөнхийлөгчийг яагаад “Зэвсэгт хүчний ерөнхий командлагч” гэдэг вэ? Яагаад гэвэл Ерөнхийлөгч нь тайван цагт болон дайны үед зэвсэгт хүчнийг хэрхэн ашиглах үзэл баримтлалыг баталдаг онцгой эрхтэй албан тушаалтан.

Э.Бат-Үүл энэ тухай “Ерөнхийлөгч Х.Баттулга энэ эрхэндээ дулдуйдаад, зэвсэгт хүчнийг төмөр зам, хүнд даацын зам, стратегийн ашигт малтмалыг олборлох үйл ажиллагаа зэрэг стратегийн бүтээн байгуулалтад дайчлах санаатай. Ерөнхийлөгчийн цэргийн "шинэ номлол" хэрэгжвэл  Монгол Улсын зэвсэгт хүчингүй болж, агаарын болон хуурай замын цэрэг устаж, “Буян”-гийн Жагаагийн хүсээд байсан "хөдөлмөрийн колони" болно” гэсэн билээ. Бас,үүнийг нь армийн генералууд (А.Ганбат, хошууч генерал Д.Чимэд-Юндэн, хошууч генерал Я.Пүрэвдорж) даган баясаж, хөөрцөглөж яваа тухай ч цухас дурьдсан.

Эхэндээ ч мэдээж итгээгүй л дээ. Цэргийн албыг гурван жил болгоно, сарын цалинг хоёр сая төгрөгийн цалин өгнө гэхэд хэн итгэх билээ. Дээд боловсролтой инженерийн цалин хоёр сая хүрэхгүй байхад.

Гэвч энэ нь оргүй үг, хоосон хардлага биш байж. Цалин цавуунаасаа илүүтэй зэвсэгт хүчнийг хагалан бутаргах аюул хаалга тогшоод эхэлчиж. Үүнийг Х.Баттулгаас гадна бэлтгэл хурандаа У.Хүрэлсүх бас дэмжиж байгаа юм байна. Газрын гай шүү!!

Саяхан Засгийн газрын 100 хоногийн тайлан дээр Ерөнхий сайд У.Хүрэлсүх “Импортын хараат байдлаас гарахын тулд нефтийн үйлдвэр байгуулна” гэж амласныг сана. Энэтхэгийн Засгийн газраас амласан нэг тэрбум ам.долларын хөнгөлөлттэй зээлийг энэ ажилд юулэх тухай ч сонсогдоод эхэлсэн. Энэт хэгийн тал танайх төмөр, зам дэд бүтцээ шийдчихвэл хөрөнгө гаргахад бэлэн гэсэн тухай албаны эх сурвалж хэлсэн байна лээ. Харин манайхан энэ ажлыг үндэсний компаниудаараа биш, цэргийн албан хаагчдаар хийлгэх гэнэ. Үүний төлөө Х.Баттулга “Цэргийн албыг гурван жил болгоно” гэж хэлсэн байна. Өмнө нь сайд байхдаа “төмөр зам барина” гээд элсэнд булсан 280 сая ам.долларыг сана. Одоо харин энэ мөнгөө армийн генералуудтай хүч хавсарч энэ хулгайгаа үргэлжлүүлэх нь л дээ.

Яг үнэндээ манайд нефтийн үйлдвэр шаардлагагүй, түүхий эдийн хангалттай нөөц ч байхгүй. Хэрвээ үйлдвэр байгуулбал бид шатахууны импортоор нэг улсаас хараат болсон дээрээ нэрмээд түүхий нефтээс хараат болно гэдгийг олон хүн хэлж байгаа. Гэтэл Ерөнхийлөгч, Ерөнхий сайд хоёр яагаад үйлдвэр барина гэж улайраад байна вэ? Барилаа гэхэд яагаад хувийнхныг оруулахгүй, төр өөрөө барина гэж зүтгээд байгааг өөрөөр тайлбарлах арга алга. Үлдсэн ганц саалийн үнээ байсан “Эрдэнэт”-ээ цөлмөж дууссан учраас одоо нефтийн үйлдвэр барих нэрээр бас нэг шинэ “үүц” задлах нь л дээ.

Б.СЭМҮҮН