УИХ-ын чуулганы өнөөдрийн хуралдаанаар баталсан хуулиудын эцсийн найруулга сонсож, 143 хуулийг эцэслэн батална. Тодруулбал, Засаг захиргаа нутаг дэвсгэр түүний удирдлагын тухай хуульд нэмэлт өөрчлөлт оруулах тухай, Нийтийн мэдээлэл, Цахим гарын үсэг, Кибер аюулгүй байдал, Виртуал хөрөнгийн үйлчилгээ үзүүлэгчийн тухай зэрэг хуулийг эцэслэн батлах юм.

Чуулганы хуралдаан дээр УИХ-ын гишүүн Н.Алтанхуяг Хотын дарга асан Э.Бат-үүлд хорих ял оноосонтой холбогдуулан өөрийн байр суурийг илэрхийлэв. 

Тэрээр "Та нар яагаад Ардчилал гэдэг зүйлд дургүй болж байгаа юм бэ. Яагаад Ардчилсан намыг арчих гээд байгаа юм бэ. Өөрсдөө хүмүүсээ гаргаж ир. Энэ Д.Зүмбэрэллхамыг хэн оруулж ирж, яаж үйл явц хийснийг олон түмэнд гаргаж тавих хэрэгтэй. Би ардын намынхныг бүгдийг нь хэлэхгүй. 

Улс төрийн намын бүртгэлийг хийхгүй байна. Бид энд хууль баталж байдаг, тэнд журам үйлчилж байна. Хуулиас давсан журам гэж байх ёсгүй. 

Энэ бүхэн танай нам дотор байгаа газрын баялаг хулгайлсан хэдэн хулгайч нарын зохион байгуулж байгаа ажил. Би одоо нэр устай нь ярина шүү. Танай нам дотор шүүхээс айдаг, дараа нь яллуулхаас айдаг хэсэг бүлэг байгаа. Маш их мөнгө идсэн, хахаж үхмээр. Эд нартайгаа тэмцээч. 

Э.Бат-Үүлийн асуудал нэг намын асуудал биш Монголын ардчилалын асуудал" хэмээлээ.