Ардчилсан намаас цаг үеийн асуудлаар мэдээлэл хийлээ. 

Ардчилсан намын Үндэсний анхдугаар чуулганд оролцогчид төр засагт хандан дараах уриалгыг хүргүүлж байгааг АН-ын дэд дарга Ц.Оюундарь мэдээллээ. 

Үүнд: 

1. Монгол Улсын Засгийн газар монгол хүний эрх, эрх чөлөөг хамгаалах чиглэлээр эрх зүйн болон бусад салбарт өргөн хүрээний томоохон шинэчлэлийг 2022 онд бодитоор хэрэгжүүлэх,

2. Төр засаг хууль сахиулах байгууллага иргэдийнхээ эрх чөлөө халдашгүй дархан байдалд дарамт үзүүлдэггүй, хууль иргэн бүрд тэгш үйлчилдэг болох, хууль хэрэгжүүлэх нэрээр жирийн иргэдэд үзүүлдэг ялгаварлан гадуурхалтыг таслан зогсоох, хуулийг нэг мөр хэрэгжүүлэх,

3. Хоёр хөрштэйгөө найрсаг хамтын ажиллагааг өргөжүүлэх бодлого барих,

4. Үр ашиггүй хөрөнгө оруулалтыг царцаан цалин, тэтгэвэр, тэтгэмжийг нэмэгдүүлэх,

5. 2030 он хүртэл хөндөх учиргүй Ирээдүйн өв сангаас хүүхдийн мөнгийг олгож, хуримтлалыг цөлмөж, төсвийн өндөр алдагдлаа нөхөхгүй байх,

6. Бизнес эрхлэгчдийн ажлын байрыг нэмэгдүүлэх, үйл ажиллагааг хэвийн явуулах хүртэл нь татварын бодлогоор дэмжих,

7. Цар тахлын үед өндөр ачаалалтай ажиллаж байгаа эмнэлгийн ажилчдын цалинг 2-3 дахин нэмэгдүүлж, эмнэлгийн тоног төхөөрөмжийн хангалтыг сайжруулах,

8. Жил бүр олон мянган хүүхэд хөдөлмөрийн зах зээл рүү орж байна. Тэдэнд зориулсан чанартай ажлын байр бий болгохын тулд тодорхой хөрөнгө оруулалт татахыг тус тус уриалж байна.

Улс төрийн болон эдийн засгийн эрх чөлөөгөө хамгаалахын тулд эвлэлдэн нэгдэцгээе.