Ардчилсан намаас өнөөдөр 4:11 ээлжит мэдээллээ хийлээ. 

Энэ үеэр Ардчилсан намын Ерөнхий нарийн бичгийн дарга Ч.Өнөрбаяр УИХ-ын гишүүн Ц.Цэрэнпунцаг, Ц.Анандбазар, Г.Занданшатар нарын санаачилсан “Богд Зонхова” хөшөөт цогцолборын бүтээн байгуулалт болон Хувь хүний мэдээллийг хамгаалах хуулийн хэлэлцүүлэгийн талаар намын байр суурийг хүргэлээ. 

Тэрээр "Үндсэн хууль дээр төр, байгууллага, хувь хүний нууцын тухай хууль гэж бий. Эрх баригчид хуучин засаглаж байхад Байгууллагын нууцын тухай хуулийг өргөн хүрээнд тавьж, тухайн үеийн хуулийн дөрөвдүгээр зүйлд байгууллагын дарга нь байгууллагынхаа нууцыг тогтооно гэж тусгаж байсан. Энийг дагаад төрийн байгууллагын сайд, дарга нар өөрсдийнхөө болохгүй бүтэхгүй зүйлийг хааж, нуудаг байсан. Ардчилсан намын үед ийм байж болохгүй гээд Нийтийн сонсголын хууль, төсөв мөнгөтэй холбоотой Шилэн дансны тухай хууль гэх мэт төрийн байгууллагын ил тод байдалтай холбоотой олон хуулийн шинэтгэлийг хийсэн.

Гэтэл эрх баригчдын оруулж ирж байгаа хуулийн төсөл нь их сайхан нэртэй, дотор нь эсрэг зарчимтай байх жишээтэй. Нэг талдаа хүний эрхийг хамгаална гэж яриад байдаг ч хэлэлцэж буй хуулиарааа түүнийхээ эсрэг хууль баталж болохгүй.

Эрх баригч нарын хийж буй алхам нэг байвал яасан юм бэ гэж хэлмээр байна.

Хоёрдугаарт, улсын төсөв уйлдаг бол уйлахаар төсөв баталжээ. Энэ бол мөсөн уулын зүгээр оройн шүү дээ. Энэ бүхэн үнэн. Үндсэн хуулиа өшгөлдөг төр байх ёсгүй.

Олон хүний эрхийг зөрчөөд байвал, улс төрийн намаас татгалзсан байдгийнхаа хувьд Ерөнхийлөгч энэ төсөв дээр хориг тавих ёстой байсан. Ерөнхийлөгч иргэдийн төлөөх онцгой эрхээ ашигласангүй. Чиглэл өгнө гэдэг нь төсвийг зүгээр царцааж байна л гэсэн үг. Түүнээс зүйн бол “Богд Зонхова”-ын төсөл үргэлжилнэ гэж ойлгож болно.

Бид цаашдаа эрх баригчдын өөдөөс үгээ хэлж, шүүмжилсэн иргэдийг хамгаалсан чиглэл рүү бодлого гаргаад явж байна. Харамсалтай нь өнөөдрийг хүртэл нийтийн сонсголын асуудал нь гацаанд орчихлоо. Нийтийн сонсголыг нэн даруй хийх ёстой. Энэ жил хамгийн ихээр хүний эрхийг уландаа гишгэлээ. Эдийн засгийн эрх чөлөөг хамгийн их боомилсон. Цөөн гишүүн 32 тэрбум төгрөгөөр тоглодог байж болохгүй. Ерөнхийлөгч энэ асуудлаар Засгийн газарт чиглэл өгөхөөс илүүтэй хориг тавих ёстой байсан" гэлээ.