Иргэд, цагдаа нарын хооронд үл ойлголцлыг бий болгодог гол шалтаг, гох дэгээ болсон Жагсаал цуглаан хийх журмын тухай хуулийн хэрэгжилтээр УИХ дээр нээлттэй сонсгол хийх хүсэлтийг дэмжиж өгөхийг хүсч, #NoDoubleStandards хөдөлгөөний төлөөлөл өнгөрөгч даваа гаригт УИХ дахь АН-ын бүлгийн дарга Д.Ганбат уулзалт хийсэн юм.

Уулзалтаар нээлттэй сонсгол хийхэд хамгийн багадаа УИХ-ын 19 гишүүний гарын үсэг хэрэгтэй тухай ярилцаад, энэ ажлыг зохион байгуулах ажлыг УИХ дахь Ардчилсан намын бүлгийн ажлын албанд хариуцуулсан юм.

Ажлын алба энэхүү ажлыг зохион байгуулахдаа УИХ-ын нэгдсэн чуулгантай өдөр буюу пүрэв, баасан гаригуудад хийхээр төлөвлөж, пүрэв гариг 25, баасан гаригт 10, нийт 35 гишүүний гарын үсгийг цуглууллаа.

Ингэснээр Нийтийн сонсгол хийх асуудалд хангалттай дэмжлэг авч чадлаа.

Жагсаал цуглаан хийх журамын тухай хууль нь анх 1994 онд батлагдаж, 2005 онд нэмэлт өөрчлөлт орж байсан түүхтэй бөгөөд уг хууль нь цаг үеийн шаардлага хангахгүй байгааг ХҮЭК-оос удаа дараа дүгнэж байсан юм.

Уг хуулийн хэрэгжилтээр нийтийн сонсгол хийхийн гол ач холбогдол нь оролцогч бүх талууд нэг дор цуглаж, бодит байдлыг олон нийтэд нээлттэй ярилцаж, хаана нь алдаа гараад байгааг тодруулах, бодитоор олж тогтооход оршиж байгаа юм. Ингэснээр шинэчлэгдэн гарах хууль иргэдийн Үндсэн хуулиар олгогдсон эрх, эрх чөлөөгөө баталгаатай хангадаг болох таатай боломж бүрдэх юм.

Өмнөх туршлагуудаас харахад УИX-ын гишүүд албаны журмаар цагдаа прокур г.м төрийн байгууллагуудаас иргэдийн эрх зөрчигдсөн асуудлаар мэдээлэл хүсэхэд, тэдний зүгээс өөрсдийнхөө үйлдлийг зөвтгөх гэсэн, иргэдийг буруутгах хандлагатай, гуйвуулсан мэдээлэл өгөх гээд байдаг. Тухайлбал, 461 дүгээр анги дээр болсон "No double standards" хөдөлгөөнийхэнтэй холбоотой үйл явдлуудыг олон нийтэд хэрхэн мэдээлж байгаа байдлаас харахад цагдаагийнхан болон шүүxийн шийдвэрийнхэн илт зөрөөтэй мэдээлэл өгч байсан нь тэдэнд эргэлзэхэд хүргэсэн билээ.

Мөн ихэнх тохиолдолд хөдөлгөөнийхний болон иргэдийн талаарх мэдээллийг УИX-ын гишүүд зөвxөн нийгмийн сүлжээнд тавигдсан мэдээллүүдээс авдаг. Тэгэхээр тал талаас ирэx өрөөсгөл мэдээлэлд үндэслэж xуулийг өөрчилбөл аxиад алдаа гарч болзошгүй учраас бүx талуудыг оролцуулсан ил тод нээлттэй сонсгол хxийx нь иxээxэн чухал ач холбогдолтой гэж УИХ дахь АН-ын бүлгийн зүгээс үзэж, дэмжсэн билээ.

Алаг үзэлгүй, Ардчилсан нийгмийг хамтдаа бүтээе!