Бохо нь алдар нэр эсвэл мөнхийн сонгодог стильтэй эн зэрэгцэнэ. Уран бүтээлчид түүнийг өөрсдийн барааны тэмдэг болгож, дизайнерүүд түүний төгсгөлгүй ургах сэтгэмжид дуртай болжээ. Хотын гангачууд  бохо деталийг өдөр тутмын гоёлдоо ашиглахыг  чухалчилдаг болсон байгаа. Тэр бохо гэдэг нь юу вэ?

Асуудлын түүх

Чөлөөт сэтгэгчдийн  бохо гэдэг  стилийн түүх нь XVII зууны эхнээс үүдэлтэй. Тэр цагт Европ даяар цыганчууд нүүдэллэж байв. Сэргэлэн францчууд  тэр чөлөөт нүүдэлчдийн  амьдралын стиль болох  дуу хөгжим, бүжиг наадам, бодож санах түгшүүргүй амьдрах нь заримдаа  өөрсдийнх нь язгууртнуудынх шиг байгааг олж харжээ. Тэгээд л “богемын” гэх ойлголт үүсч цыганы хувцасны стилийг “бохо” гэж нэрлэх болжээ.

XX зуунд бохо  хиппи,  ба давхарлагдсан  натураль даавууг илүүд үздэг дагалдах соёлынхон дунд  ихээхэн алдаршжээ. XXI зуунд цыган, хиппи нарын өвийг өндөр загварын ертөнц  авч эхлэн  бохо стилийн  амьсгаатай цуглуулгыг олон алдартай дизайнерууд  хийж эхлэн түүнд  гялбааг нэмэн өгсөн байгаа.

Бохо стилийн онцлог нь түүнийг тогтуунд байдаг ба  түүнийг дагагчид  загварын трендыг  анхаардаггүй. Чөлөөт эсгүүр,  угсаатан зүйн сэдэв,  урт олон давхрагатай банзал, байгалийн өнгө, хүрэмтэй  сарафан  нүдэнд тусч байдаг том хэмжээний  хүнд аксессуарууд ба деним  зэрэг нь стилийн гол шинж тэмдэг юм.

Хувцас ба  аксессуарууд

Хэрэв та бохо стилиэр гангарах хүсэлтэй бол хамгийн түрүүнд  эд зүйлийг ямар материалаар хийснийг анзаарах хэрэгтэй. Хувцасны гол материал нь   цуу ямбуу, маалинга, торго, арьс зэрэг байх бөгөөд цайвар, хүрэн, бүдэг ногоон, усан үзмийн, улаан ба тоосгон өнгүүд голлоно.

Бохо-гардеробт жийнс, урт даашинз, рюшатай сарафан, хантааз, цацагтай хүрэм, чөлөөтэй ноосон цамц   заавал ордог.

Бохо элементтэй гардероб

Аксессуар энэ стильд онцгой байр эзлэнэ. Хөл, гарын  өргөн бугуйвчаас эхлээд ээмэг, бөгж,  зүүлт шүр  сувд их хэрэглэгддэг.

Энэ ер бусын стильтэй зохицохын тулд өөрийн  хувцас хунараа голоод зөвхөн цацаг бүхий урт банзалтай гангараад байх хэрэггүй нь мэдээж. Бохогийн  тусгайлсан, танигдахаар элементүүдийг гоёлдоо ашиглах нь  таны өдөр тутмын амьдралыг сонирхолтой болгож өгнө.

Энэ улиралд уг стилийг санагдуулах эд зүйлсээс өргөн суран бүс, хиймлээр хуучруулсан арьс, рюши, угсаатан зүйн принт, том хэмжээний зүүлт ээмгүүд загварт голлож байна. Мөн түүнчлэн бүдэг улаан, хүрэн, цайвар, хүрэн улаан гэх тусгайлсан өнгүүд  чухал болж байгаа.

М.Цогт