АН-аас өнөөдөр намын нэгдлийн талаар мэдээлэл хийлээ. Энэ үеэр УИХ-ын Сонгинохайрхан дүүргийн 28 дугаар тойргийн нөхөн сонгуульд АН-аас нэр дэвшин өрсөлдөж байгаа Хотын дарга асан Э.Бат-Үүл "Монгол Улсын Баатар" цолоосоо татгалзаж, Улсын баатарынхаа тэмдгийг АН-ын туганд зүүж өглөө. Мөн үнэмлэхийг нь АН-ын хоёр дарга болох М.Тулгат, О.Цогтгэрэл нарт гардуулж өгсөн юм.

Тэрээр "АН бол түүхэнд алтан үсгээр бичигдэх ёстой юм. Монгол Улсын Баатар ч багадахаар гавьяатай том нам. Ерөнхийлөгч надад Баатарын цол зүүлгэхдээ "Энэ бол чамд өгч байгаа юм биш. Ардчилсан хувьсгалыг хийсэн Монголын ард түмэнд, монголын ардчиллыг дэмжигч 1000, 1000 гишүүдэд өгч байгаа юм шүү. Гэхдээ өнөөдрийн хууль эрх зүйн хүрээнд чамд төлөөлүүлэн олгож байна" гэж хэлж байсан юм" гэлээ.

Түүнчлэн тэрээр Ц.Элбэгдорж, Х.Баттулга, Н.Алтанхуяг. С.Эрдэнэ, Р.Гончигдорж, М.Энхсайхан нарыг намдаа ирэхийг уриалсан байна.

Хотын дарга асан Э.Бат-Үүлд "Монгол Улсын Баатар" цолыг 2009 онд олгож байсан юм.