Замын-Үүдийн гаалийн газрын даргын түр орлогч Б.Отгонсүх тус боомтын нөхцөл байдлын талаар мэдээлэл өглөө.
Тэрээр “Бид томилогдооод гурван чиглэлд арга хэмжээ авч, ажилласан. Замын-Үүдийг ногоон бүс болгохоор зорьж, “Нэг өрх-нэг шинжилгээ” арга хэмжээг зохион байгуулсан. Ариутгын хаалгануудыг шинэчилж, стандартад нийцүүлсэн. Холбогдох бүх байгууллагууд хоорондоо нэгдмэл байдлаар хамтарч, энэ чиглэлдээ ажиллаж байна.
Үүний үр дүнд Замын-Үүд боомтын экспорт, импортын бараа эргэлт өсөж байна.
Зургадугаар сард 920 орчим машин орж ирдэг байсан бол 135 болж, өссөн. Мөн галт тэрэгний урсгал нэмэгдэж байна. Энгийн үеийн горимдоо шилжчихлээ гэж дүгнэж болно. Сар, сарын үзүүлэлт үргэлж өссөн дүнтэй гарч байгаа.
Замын-Үүд боомтод 2000 гаруй машин очерлож байсныг бүгдийг татаад оруулчихсан. Мөн бөгнөрсөн ачаа байхгүй гэдгийг хэлэх хэрэгтэй.
Одоо бид ачаа, тээврийн үнийн асуудлыг цэгцлэх үлдсэн. Энэ чиглэлд цагдаа, тагнуулын байгууллагатай хамтарч ажиллаж байна” гэлээ.
