Ерөнхийлөгч асан Х.Баттулга Ерөнхий сайд Л.Оюун-Эрдэнийн орон тооны бус зөвлөхөөр ажиллахаар болжээ.
Ерөнхийлөгч асан Х.Баттулгыг Ерөнхий сайдын орон тооны бус зөвлөхөөр томилохоор болжээ. Эх сурвалжийн мэдээлж буйгаар уг асуудлыг МАН-ын удирдлагын түвшинд удаан хэлэлцсэн байна.
Ингээд маргааш орон тооны бус зөвлөхөөр томилох тушаалыг гаргахаар болсон байна. Учир нь тушаалд ЗГХЭГ-ын дэд дарга гарын үсэг зурдаг юм. Харин ЗГХЭГ-ын дэд дарга ээлжийн амралтаа авсан байгаа аж.
Ерөнхийлөгч асан Х.Баттулгыг УИХ-ын 28 дугаар тойрог буюу СХД-т нэр дэвшинэ гэсэн мэдээлэл гараад байсан ч тэрээр ийнхүү Ерөнхий сайдын орон тооны бус зөвлөхөөр ажиллахаар болсон байна.
Ерөнхийлөгч У.Хүрэлсүх Засгийн газраа унагаах шийдвэр гаргахдаа "Ерөнхийлөгч Х.Баттулга Төв талбайд жагсаал зохион байгуулж, Засгийн газрыг унагаасан" гэж хэлж байв. Гэтэл тэрээр Ерөнхийлөгч асан Х.Баттулгыг Ерөнхий сайдын орон тооны бус зөвлөхөөр томилуулах эцсийн шийдвэрийг гаргажээ.
