Монгол Улсын Ерөнхийлөгчид нэр дэвшигчдийн халз мэтгэлцээнтэй холбоотой асуудлаар МҮОНРТ-ийн захирал А.Бүрэнбаатар мэдээлэл өглөө.
Тэрээр "Мэтгэлцээний бэлтгэл ажил хангагдаж дуусаад байна. Мэтгэлцээнийг Үндэсний ТВ-ээр шууд дамжуулна. Радиогоор шууд дамжуулна. MNB World сувгаар англи орчуулгатай хүргэнэ. Мөн Clubhouse-аар шууд дамжуулна" гэдгийг мэдээллээд байсан юм.
Мөн ХҮН-аас нэр дэвшигч Д.Энхбат "ковид-19"-ийн халдвар авсан ч студид очиж мэтгэлцэх санаачилга гаргасан байна.
МҮОНРТ-ийн захирал А.Бүрэнбаатар "Мэтгэлцэхгүй гэж байр суурь илэрхийлсэн нам байхгүй. Эмнэлэг рүү албан бичиг явуулахад КОВИД-19-ийн улаан бүс рүү гаднын хүн оруулж болохгүй. Энэ зарчмыг зөрчиж болохгүй, нэр дэвшигчийг эмнэлгээс гаргах боломж байхгүй гэдгийг эмнэлгээс өгсөн.
Тэгэхээр МҮОНРТ мэтгэлцээнийг зохион байгуулах боломжгүй болж байна. Мэтгэлцээнийг цахимаар явуулах нь ТВ-ийн шийдэл биш. Ерөнхийлөгчийн сонгуулийн мэтгэлцээн цахимаар болсон түүх мэдэхгүй" гэлээ.
