ОХУ-ын Ерөнхийлөгч В.Путин АНУ-ын Капитолийн үймээн дэгдээгчдэд хандах хандлагыг "давхар стандарт" гэж буруутгав.

Тэрээр АНУ-ыг хилийн чанад дахь засгийн газрын эсрэг жагсаал цуглааныг таслан зогсоох ажиллагааг шүүмжилэхийнхээ хажуугаар Америкчуудыг "улс төрийн шаардлага"-аар яллаж байгаа нь буруу юм гэжээ.

Ерөнхийлөгч Путин Санкт-Петербургт болсон бизнес форум дээр үг хэлэхдээ Швейцарийн Женев хотноо АНУ-ын Ерөнхийлөгч Жо Байдентай хийх дээд хэмжээний уулзалтад бага хүлээлттэй байгаагаа илэрхийлсэн байна.

Тэрээр энэ Зургадугаар сарын 16-нд уулзах үеэр ямар ч нээлт хийхгүй гэж найдаж байгаагаа мөн хэлсэн байна.

Мөн тэрээр АНУ-ын компаниуд руу хийсэн сүүлийн үеийн кибер халдлагууд Оросоос гаралтай гэсэн саналыг үгүйсгэж, Москва Америкийн сонгуульд хөндлөнгөөс оролцсон гэх мэдээллийг дахин няцаав.

Путин "давхар стандарт" гэж хэлэхдээ ямар утга агуулсан вэ?

Ерөнхийлөгч Путин Москвагийн бүс нутгийн холбоотон Беларусийн засгийн газрын эсрэг жагсаал цуглааныг таслан зогсоохыг АНУ буруушааж байгаад хамгийн хурц шүүмжлэлээ хэлэв. Тэрээр АНУ-ын Капитолийн үймээн дэгдээгчдэд шударга бусаар харьцаж байна гэж хэлээд хариу цохилоо.

"Тэд зүгээр л дээрэмчин, үймээн самуун дэгдээгчид биш байсан" гэж Путин 1-р сарын 6-нд Конгресст довтолж, Ерөнхийлөгч Байденыг өнгөрсөн 11-р сарын сонгуульд ялагчаар батлах чуулганыг түр зогсоосон Трампыг дэмжигчдийн талаар хэлэв.

Санкт-Петербургийн олон улсын эдийн засгийн форумын модератор Ерөнхийлөгч Путины Капитолийн үймээний талаар хэлсэн үг түүнийг АНУ-ын олон нийтийн мэдээллийн хэрэгслийн платформ дээр хориглосон байж болзошгүй гэж үзэхэд Оросын удирдагч "Би хаа нэг газар блоклогдсон байхад огтхон ч ач холбогдол өгдөггүй" гэж хариулав.

Энэ долоо хоногийн эхээр ОХУ-ын Гадаад хэргийн сайд Сергей Лавров Капитолийн үймээн дэгдээгчдийг АНУ-ын засгийн газар "хавчиж" байна гэж мэдэгдсэн.

Үймээн самууны хэргээр 500 орчим сэжигтнийг баривчлаад байгаа бөгөөд тэдний ихэнх нь хориотой барилга, байгууламж руу орох, үлдэх хэргээр яллагдаж байгаа юм. Олонх нь шүүх хурлын үеэр суллагдсан боловч зарим нь ганцаарчлан хоригдож байгаа юм.

Ерөнхийлөгч Байдены өөрийнх нь Ардчилсан намын гишүүн, сенатор Элизабет Уоррен зарим шүүгдэгчдэд "харгис" хандаж байгааг мэдэгдсэн билээ.

Б.Бүжлхамаа

www.bbc.com