Улсын Дээд шүүхийн нийт шүүгчийн хуралдаан өнөөдөр болжээ.
Хуралдаанаар Монгол Ардын Хувьсгалт Намаас Монгол Ардын Намтай нэгдэж буй учир үйл ажиллагаагаа зогсоож, улсын бүртгэлээс хасуулах хүсэлт гаргасныг хэлэлцэн шийдвэрлэлээ.
Тодруулбал, тус намын 2021 оны Тавдугаар сарын 16-ны өдөр хуралдсан Ээлжит бус Их чуулганаас гаргасан шийдвэрийн талаар ирүүлсэн баримтууд нь хуульд заасан шаардлагыг хангаж байна гэж үзсэн тул хүсэлтийг хүлээн авчээ.
Улс төрийн намын тухай хуулийн 23 дугаар зүйлийн 23.1 дэх хэсэгт зааснаар МАХН-ын үйл ажиллагааг зогсоосныг бүртгэж, улсын бүртгэлээс хассан байна.
