Ардчилсан нам Ерөнхийлөгчийн сонгуульд нэр дэвшигчдэд хандан уриалга хүргүүллээ.

Ардчилсан намын дарга М.Тулгат "Хуульд заасан хугацаагаар 2021 оны Тавдугаар сарын 24-нд буюу ирэх даваа гаригт Монгол Улсын Ерөнхийлөгчийн сонгуульд нэр дэвшигчид үнэмлэхээ гардаж, сурталчилгаа албан ёсоор эхэлнэ.

Ардчилсан намын зүгээс Ерөнхийлөгчийн сонгуульд өрсөлдөх МАН, ХҮН-ын нэр дэвшигчдэд хандан уриалга гаргаж байна.

Цар тахалтай хүнд нөхцөл байдалд олон бизнесүүд үүд хаалгаа хааж, Монгол улсын эдийн засаг маш хүнд хямралын ирмэгт байгаа энэ үед сонгуулийг аль болох хэмнэлттэй хийх, мөнгө цацсан үрэлгэн байдлыг халах хэрэгтэй байна.

Сонгуулийн үйл ажиллагаа цар тахлын онцгой нөхцөл байдалд богино хугацаанд явагдах учраас нэр дэвшигчид бүх аймгаар явж ажиллаж чадахгүй. Тиймээс нэр дэвшигчид орон нутгуудад уулзалтуудаа хамтарсан байдлаар хийх, хэвлэл мэдээллийн хэрэгслийг өргөнөөр ашиглан бодлогоор өрсөлдөх, иймийн тулд тодорхой сэдвүүдээр таван удаа мэтгэлцээн хийх, ард түмэнд хүртээмжтэй байдлаар мэдээллийг өгөх уриалгыг хүргүүлж байна" гэлээ.