Төв талбайд өлсгөлөн зарлаад байсан УИХ-ын бүлгийн гишүүн А.Адъяасүрэн, Н.Алтанхуяг, Ж.Батсуурь, С.Ганбаатар, Н.Ганибал, Д.Ганбат, О.Цогтгэрэл, Ц.Туваан нар өнөөдөр долоо дахь хоногтоо өлсгөлөнгөө зогсоолоо. Үүний өмнө УИХ-ын дарга Г.Занданшатар захирамж гаргаж, улс төрийн нөхцөл байдлыг судлуулахаар АН, МАН-ын бүлгийн гишүүдээс ажлын хэсэг гаргасан билээ. Ажлын хэсэгт АН-ын бүлгээс гишүүн Ц.Туваан, Ж.Батсуурь, Н.Ганибал, МАН-ын бүлгээс Ц.Мөнх-Оргил, Ц.Мөнцэцэг, Ц.Сандаг-Очир нар орсон байдаг.
Өлсгөлөнгөө зогсоосон тухай зарлахдаа УИХ-ын гишүүн Ц.Туваан "Бид тэмцлээ зогсоохгүй. Төлөвлөсөн ажлаа хийж дуустал тэмцэнэ. Нэг намын дарангуйлал сөнөх болтугай. Монголд ардчилал мандан бадрах болтугай" гэсэн байна.
