Төв талбайд өлсгөлөн зарлаад буй АН-ын гишүүдтэй УИХ-ын дарга Г.Занданшатар очиж уулзан тэдний хүсэлтийн дагуу Ажлын хэсэг байгуулан ярилцахаар болов.
УИХ-ын даргын уулзатын дараа Ерөнхийлөгч Х.Баттулга өлсгөлөн зарлаад буй АН-ын гишүүдтэй очиж уулзлаа.
Тэрээр "Өнөөдөр өглөө би ЗГХЭГ-ын дарга Ц.Нямдоржтой уулзсан. Намын тамгыг хуурамчаар үйлдсэн баримтыг үзүүлсэн. Тамга хуурамчаар хийсэн үйлдэлд нааштай хариу ирэх болов уу гэж хүлээж байна. Хоёр жилийн өмнө МАНАН-гийн эсрэг жагсаал хийхдээ олон гэр, майхан барьж байсан биз дээ. Хууль зүйн сайд Х.Нямбаатар овоохой шийдэж өгөөгүй юу? Тэр шийдэж өгөх ёстой шүү дээ.
УИХ-ын дарга Г.Занданшатар та нарыг удирдаж байгаа ангийн дарга гэсэн үг. Хэлсэн ярьсныг нь сонсох нь зүйтэй. Үндсэн хуулийн нэмэлт өөрчлөлтөөр ямар их гэгээн бодолтой байв. Долоон минутад түүхт хуулийг баталлаа. Та бүхний ярьж байгаа асуудлууд Монголын ирээдүйн ардчиллын төлөө зүйл мөн. Эрх барьж байгаа намд коммунист намын үүр уурхай байгаад байгааг сүүлийн хэд хоног харагдаж байна л даа" гэсэн юм.
Харин Хуульч О.Алтангэрэл "2021 оны Дөрөвдүгээр сарын 29-ний өдөр долоон минутад баталсан Ерөнхийлөгчийн сонгуулийн тухай хуульд өөрчлөлт оруулах тухай хуульд Ерөнхийлөгч Х.Баттулга хориг тавьсан. УИХ-ын тухай хуулийн 5.4-т Ерөнхийлөгч хуульд хориг тавьсан бол уг хуулийн үйлчлэх хугацаа давхацсан бол энэ хуулийн үйлчлэх хугацаа зогсоно гэж заасан. Тэгэхээр энэ хуулийн үйлчлэл зогссон. Сонгуулийн ерөнхий хороо үйлчлэхгүй болсон хуулиар С.Эрдэнэ гэдэг хүнийг бүртгэж байна. Зарим хуульч хүмүүс ирэх жилээс хуулийн сургуульд элсэлт аваад хэрэггүй гэж ярьж байгаа. Яагаад гэвэл Монгол Улсад хууль гэж алга" гэлээ.
