М.Тулгат даргатай АН-ын зүгээс Ерөнхийлөгчийн сонгуульд нэр дэвшигчийн баримт бичгийг нь Сонгуулийн Ерөнхий хороо хүлээн авсан болохыг мэдэгдлээ. 

Ардчилсан намын Ерөнхий нарийн бичгийн дарга Ч.Өнөрбаяр "АН-аас хуульд заасан баримт бичгийг Сонгуулийн ерөнхий хороонд хүлээлгэн өглөө. СЕХ-ноос Ерөнхийлөгчийн сонгуулийн тухай хуульд заасан бичиг баримтын бүрдлийг хангасан гэж үзээд бидний материалыг хүлээж авсан. Улмаар СЕХ бүртгэх эсэх шийдвэрээ гаргана" гэлээ.

Ийнхү МАН-аас Ерөнхий сайд асан У.Хүрэлсүх, ХҮН-аас "Датаком"-ийн захирал Д.Энхбат, Ардчилсан намаас тус намын дарга асан С.Эрдэнэ нар Ерөнхийлөгчийн 2021 оны ээлжит сонгуульд нэр дэвшихээр бичиг баримтаа бүрдүүлэн өглөө.

Нэр дэвшигчдийн бичиг баримтыг хүлээн авснаас хойш гурав хоногийн хугацаанд хянан үзээд, Тавдугаар сарын 8-наас өмнө бүртгэж авсан эсэхээ олон нийтэд мэдээлэх юм. 

Монгол Улсын Ерөнхийлөгчийн сонгуулийн тухай хуульд заасан УИХ-д суудалтай нам, эвслээс Ерөнхийлөгчид нэр дэвшигчийн бичиг баримтыг СЕХ-нд хүлээлгэн өгөх хуулийн хугацаа 00:00 цагаар дуусгавар боллоо.