УИХ-ын гишүүн О.Цогтгэрэл цаг үеийн асуудлаар мэдээлэл хийлээ. 

Тэрээр "Энэ өдрийн мэнд хүргэе. Ардчилсан нам парламентад суудалтай улс төрийн хүчний хувьд Ерөнхийлөгчийн сонгуульд нэр дэвшигчээ дэвшүүлнэ. Ерөнхийлөгчийн сонгуулийн тухай хуулиар Дөрөвдүгээр сарын 30-н буюу энэ баасан гаригаас эхэлж нэр дэвшилтийн үйл ажиллагаа явна. Ардчилсан намын дүрмээр эхлээд бүх гишүүдийн дунд сунгаа явна. Ерөнхийлөгчид нэр дэвших сунгаад АН-ын дүрэм болон хуулийн шаардлага хангасан нэр дэвшигчид оролцох боломжтой. Үүний АН дараа нь Тавдугаар сарын 2-нд Их хурлаа хийж, Ерөнхийлөгчид нэр дэвшигчээ танилцуулна. 

Мөн нэмэлт мэдээлэл өнөх шаардлага байгаа. Ардчилсан намын зүгээс АНУ-ын лобби ПиАр компанитай гэрээ хийсэн гэх асуудал сошил орчинд тарсан. АН-ын зүгээс аливаа гэрээ, хэлцлийг ямар нэгэн гадны байгууллагатай хийгээгүй гэдгийг хариуцлагатайгаар мэдэгдье. Миний хувьд ямар нэгэн гэрээнд гарын үсэг зураагүй.

АН-ын дотоод маргаан маргааш дээд шүүхээр орж, эцэслэн шийдэгдэнэ. Бидний хувьд хамгийн олон гишүүд дэмжигчид сонгуульд оролцсон. Мөн энэ үйл ажиллагаа нь одоо хүчин төгөлдөр мөрдөгдөж буй үндсэн дүрмийн хүрээнд явагдсан байгаа. Нотлох баримт олон зүйлээ Дээд шүүхэд хүргүүлсэн учир тайван хүлээж байна. Дээд шүүх шударгаар шийднэ гэдэгт итгэж байна. 

Дараагийн нэг зүйл бол өнөөгийн нөхцөл байдлыг хүн бүр мэдэж байгаа. Коронавируст цар тахлын эсрэг улс орон бүр өөр өөрийн арга хэмжээг авч байна. Энэ олон зүйлүүдийн дундаас манай төр засгийн эрх баригчид асуудлаа эрэмбэлэхгүйгээр ажиллаж, асар их боломж хохиролтой ажиллаж байна. Энгийн жишээ хэлэхэд вакцин гэдэг зүйлд ямар их өртөгийг төлж байгааг бид бүхэн харж байна. Энэ бол эрх баригчдын бодлогын алдаа юм.

Эцэст хэлэхэд Ардчилсан намын гишүүд та бүхэн парламент суудалтай намын хувьд Ерөнхийлөгчийн сонгуульд идэвхитэй оролцохыг хүсье" гэлээ.