Ерөнхий сайд Л.Оюун-Эрдэнэ өнөөдөр Хөшигийн хөндийд байрлах Шинэ нисэх онгоцны буудалтай танилцлаа.

Энэ үеэр Ерөнхий сайд өчигдөр Жендэрийн Үндэсний хороон дээр хэлсэн үгэндээ уучлал хүслээ. 

Тэрээр "Жендерийн үндэсний хорооны хурал дээр хэлсэн зүйл маань нийгэмд хэлэлцүүлэг өрнөх шалтгаан болсон байсан. Засгийн газраас эмэгтэйчүүдийн эрхийг хамгаалах тал дээр далайцтай ажил хийе хэмээн хэлэлцсэн. Түүнд Ерөнхий сайдынхаа хувьд 3-4 асуудал хөндсөн. Эмэгтэйчүүдийн эрхийг хамгаалах өдрийг баяр гэхээс илүүтэй эрхийг нь хамгаалах чиглэлд анхааръя гэж үзсэн. Хөдөлмөр эрхлэлт, нийгмийн оролцоог нэмэгдүүлэхийн тулд эмэгтэйчүүд цэргийн алба хаадаг талаарх Норвегийн жишээг дурдсан.

Бичлэгийг маань тасалж тавьж нийгэмд буруу ойлголт төрүүлжээ. Гэхдээ эмэгтэйчүүдээс цэрэгт явахад бэлэн бгаагаа илэрхийлж ихээр пост оруулсан байсан. Нөгөөтээгүүр эрчүүдийн дундаж нас эмэгтэйчүүдийнхээс даруй 10 насаар багассан нь анхаарал татаж байна. Уг мэдээллийг ярилцаад, үүнд соёлын томоохон өөрчлөлт хийх талаар ярьсан. Яригдсан жишээнүүд нийгэмд буруу, зөрүү ойлголт төрүүлсэн бол уучлалт хүсье. Баярынх нь өмнө бухимдуулсан бол уучлаарай. Хэлбэр тал дээр биш агуулгад ач холбогдол өгөхийг хэвлэл мэдээлэл болон ард иргэдээс хүсэж байна" гэлээ.