Лхагва гариг буюу өчигдөр Иракийн баруун Анбар муж дахь Айн Аль Асадын агаарын бааз руу пуужингийн цуваа бууджээ. Тус газар нь АНУ-ын зэвсэгт хүчний байрладаг Иракын хамгийн сүүлчийн баазуудын нэг юм.
Иракийн аюулгүй байдлын албанаас болон Пентагоноос гаргасан мэдэгдэлд 10 пуужин тархаж буй бааз руу хөөргөсөн гэжээ.
Батлан хамгаалах яамны өндөр албан тушаалтны хэлснээр АНУ-ын гэрээт цэрэг пуужингийн их чимээнээр зүрхний шигдээсээр нас баржээ. Вашингтон дахь албаны хүмүүс халдлагыг хариуцсан бүлэглэлийг тогтоогоогүй байна.
Пентагон мэдэгдэлдээ, Аль Асад дахь пуужингийн довтолгооноос эсэргүүцэн хамгаалах систем нь "манай хүчнийг хамгаалах ажилд оролцож байна" гэв. Мөн "Бид нас барсан хүний ойр дотны хүмүүст гүн эмгэнэл илэрхийлж байна" гэжээ.
Ерөнхийлөгч Байден халдлагын талаар мэдээлэл авсан гэж түүний дээд төлөөлөгч Жен Псаки мэдэгдэв. Байден дараа нь Овал оффист болсон халдлагын талаар сэтгүүлчидтэй ярилцахдаа "Бид хэн хариуцлага хүлээх ёстойг тодорхойлж байгаа бөгөөд хариуцах эзнийг олсны дараа дүгнэлт хийх болно" гэжээ.
Б.Бүжлхамаа
www.nytimes.com
