Засгийн газар дэргэдээ "Эрсдэлийн мэдээллийн хороо" байгуулан ажиллаж эхэлжээ. Тус хорооны даргаар Соёлын сайд Ч.Номин, нарийн бичгийн даргаар нь Харилцаа холбоо, мэдээллийн технологийн газрын дарга Б.Болор-Эрдэнэ ажиллахаар болсон байна.

Харин олон нийт "Эрсдэлийн мэдээллийн хороо" байгуулагдсан нь иргэдэд хүрэх мэдээ мэдээлэлд хяналт тогтоох, мэдээллийн нууцын сан бий болгох зорилготой хэмээн үзэж буйгаа илэрхийлсээр байгаа. 

Тэгвэл энэ талаар Соёлын сайд Ч.Номин "Маш буруу ойлголт явж байна. Технологи хөгжиж хүн бүр нийтлэгч болсон энэ цаг үед аливаа мэдээллийг цензурдэх, цензурдүүлэх ямар ч боломжгүй юм. Харин эрсдэлийн үед төрөөс иргэддээ хүргэж байгаа мэдээ мэдээлэл үнэн бодитой, ойлгомжтой, хүртээмжтэй байх ёстой. Буруу, ойлгомжгүй мэдээллээс үүдэж иргэд маш ихээр бухимддаг. Зарим тохиолдолд энэ нь хүний амь настай ч холбоотой байдаг. Ийм үүднээс Засгийн газар дэргэдээ "Эрсдэлийн мэдээллийн хороо" байгуулан ажиллаж байна. Уг хороог олон улсад Risk Communication and Community Engagement (RCCE) гэдэг бөгөөд ДЭМБ-с арга зүйн зөвлөмж гаргасан байдаг" гэх тайлбарыг өөрийн цахим хуудсаараа өгөв. 

ДЭМБ-аас гаргасан арга зүйн зөвлөмжтэй ЭНД танилцаарай!