Өчигдөр буюу энэ сарын 30-ны өдөр С.Эрдэнийг Ардчилсан намын гишүүнээс найман жилийн хугацаагаар хасах шийдвэр гаргажээ. 

Харин Ардчилсан намын гишүүн, сайд асан Ц.Оюунгэрэл өөрийн твиттэр хуудаснаа "Тамга нь хүчингүйд тооцогдож байгаа үед ингэж тушаал гаргаж болдог юм уу? УИХ гишүүн биш хүн байсан бол тамга тэмдэг хуурамчаар ашигласан гээд эрүүгийн хэрэг болчихмоор харагдаад байх юм. Эрхэм гишүүн Ц.Туваан хууль дүрмээ биелүүлэхгүй бол нэг л эвгүй болоод байна шүү" хэмээн жиргэжээ. 

Мөн тэрээр үргэлжлүүлэн "АН дотроо зөрчилтэй байж болно оо, гэхдээ зөрчлөө шийдэх явцдаа нэгнийгээ намаас хөөмөөргүй байна" гэсэн байна.

Ц.Оюунгэрэл энэхүү жиргээгээ Ц.Туваан, С.Эрдэнэ хоёрт хаягласан байв. 

Тус намаас мэдээлснээр Үндсэн дүрмийн хорооны 2021 оны нэгдүгээр сарын 08-ны өдрийн хурлаар Ардчилсан намын гишүүн Л.Баттүвшингээс ирсэн өргөдлийг хянан хэлэлцээд ҮБХ-ны гишүүн С.Эрдэнийг Үндсэн дүрмийн 3.9.1.10 болон 3.9.1.15 дахь заалтуудыг тус тус зөрчсөн гэж үзэн хариуцлага тооцохыг Ардчилсан намын даргын үүрэг гүйцэтгэгч Ц.Туваанд даалгасан байна. 

Үндсэн дүрмийн хорооны уг тогтоолын дагуу 2021 оны нэгдүгээр сарын 29-ний өдөр Ардчилсан намын даргын үүрэг гүйцэтгэгч Ц.Туваан Сахилгын шийтгэл ногдуулах тухай тушаал гарган Үндсэн дүрэм зөрчсөн С.Эрдэнийг намын гишүүнээс найман жилийн хугацаагаар хассан байна.

Албан бичиг: