Шинэ Засгийн газрын гишүүд тангараг өргөсний дараа УИХ-ын 2020 оны намрын чуулган хаалтаа хийлээ. 

Монгол улсын 32 дахь Ерөнхий сайд Л.Оюун-Эрдэнийн танхимд дөрвөн эмэгтэй сайд ажиллахаар болж буй нь түүхэн явдал юм. Эмэгтэйчүүдийн төлөөллийг нэмэгдүүлж түүхэндээ анх удаа дөрвөн эмэгтэй гишүүн томилсон Засгийн газар боллоо.

УИХ-ын дарга Г.Занданшатар Засгийн газрын гишүүдэд хандаж хэлсэн үгэндээ "Гүйцэтгэх засаглалын дээд байгууллагын бүрэлдэхүүнд багтаж, сайдаар томилогдсон сайд нарт УИХ-ын гишүүд, нийт монгол түмнийхээ өмнөөс баяр хүргэж, амжилт хүсэе. Энэ танхим ахмад, дунд, залуу үеийг багтаасан, шинэ үеийн, мэдлэг туршлагатай, мэргэжлийн Засгийн газар гэдгийг дурдаад “Дөрвөн эмэгтэй сайдтай Засгийн газар анх удаа бүрдлээ”" хэмээн онцолсон юм.

ГАДААД ХАРИЛЦААНЫ САЙД Б.БАТЦЭЦЭГ

Гадаад харилцааны дэд сайдаар ажиллаж байсан Б.Батцэцэг салбараа толгойлохоор боллоо. 

БОЛОВСРОЛ:

• МУИС-ийн Олон Улсын Харилцааны Дээд Сургууль,

• Санхүү Эдийн Засгийн Дээд Сургууль,

• Голландын Маастрихтийн Менежментийн Их Сургууль

АЖИЛЛАСАН БАЙДАЛ:

• 1996-2005 онд “Мөнхийн үсэг” ХХК-ийн Ерөнхий захирал

• 2005-2007 онд Гадаадын хөрөнгө оруулалт, гадаад худалдааны агентлагийн Гадаад сурталчилгаа хамтын ажиллагааны хэлтсийн дарга

• 2007-2015 онд “Мөнхийн үсэг групп” ХХК-ийн Удирдах зөвлөлийн дарга

• 2010-2011 онд Монгол Ардын Намын Ерөнхий нарийн бичгийн даргын зөвлөх

• 2011-2012 онд Монгол Ардын Намын Гадаад харилцаа, хамтын ажиллагааны хэлтсийн дарга

• 2015-2016 онд Монгол Улсын Сангийн сайдын гадаад бодлогын зөвлөх

• 2016 оноос Гадаад харилцааны дэд сайдаар томилогдон ажиллаж байна

СТАТИСТИКЧ А.АРИУНЗАЯА 

Удам дамжсан статистикч сайд А.Ариунзаяа улиран томилогдлоо. Тэрээр улс төрийн шинжлэх ухаан, нийгэм судлалын мэргэжилтэй. Бизнесийн удирдлагын магистр зэрэгтэй. 

БОЛОВСРОЛ

• 1995 онд Улаанбаатар хотын Орос, Монголын хамтарсан 3 дугаар дунд сургууль

• 1996 онд ОХУ-ын Улан-Үдэ хотын лицей-интернат 1-р сургууль,

• 1999  онд ХБНГУ-ын Халле коллеж

• 2005 онд  ХБНГУ-ын Ханновэр их сургууль

• 2015 онд  Удирдлагын академи, 2017 онд Эдийн засгийн Үндэсний дээд сургуулийг тус тус төгссөн. 

АЖИЛЛАСАН БАЙДАЛ

• 2005-2013 онд “Монгол Даатгал” ХХК-д хүний нөөц, сургалтын менежер, ерөнхий менежер, тэргүүлэх менежер

• 2013-2016 онд Монгол Ардын намын Намын байгуулалт, стратеги төлөвлөлтийн газар болон нийгэм, эдийн засгийн бодлогын газрын даргаар тус тус ажилласан

• 2016-2020 онд хүртэл Үндэсний Статистикийн хорооны дарга

• 2020 оноос Хөдөлмөр, нийгмийн хамгааллын сайдаар ажиллаж байна.

МОНГОЛ HD ТЕЛЕВИЗИЙН Ч.НОМИН 

Ч.Номин захиралын ажлын анхны гараагаа байгалийн цогцолбор газар болох 5 одтой Тэрэлж буудлаас эхэлж байжээ. 2011 оноос хойш одоог хүртэл Монгол HD телевизийн захирлаар ажиллаж байна. Монголд анх удаа HD форматыг нэвтрүүлж, сүүлийн дөрвөн жил телевизийн контентийн бодлого, оюуны өмчийн талаарх эрчимтэй өөрчлөлтүүдийг өөрийн телевиздээ хийж яваа манлайлагч эмэгтэй. 2013 онд Ч.Номинг телевизийн салбар дахь Дэлхийн нөлөө бүхий 25 эмэгтэйн нэгээр нэрлэгдэж байв.

БОЛОВСРОЛ  

• Нийслэлийн 45 дугаар дунд сургууль 

• Их Британийн Ийст Англиа Их Сургуулийг 

• Харвардын их сургуулийг тус тус төгссөн.  

АЖИЛЛАСАН БАЙДАЛ 

• 2006-2007 онд Гацуурт Группийн Гадаад Харилцааны Захирал 

• 2007 оноос Тэрэлж зочид буудлын Ерөнхий Менежер 

• 2011 оны 2 сараас эхлэн  Монгол ТВ-ийн захирлаар ажиллаж байна.  

СЭТГҮҮЛЧ САЙДЫН СЭТГҮҮЛЧ САЙДААР СОЛИВ

Дөрөв дэх эмэгтэй сайд бол Н.Уртнасан. Тэрээр Байгаль орчин, аялал жуулчлалын салбарыг удирдахаар боллоо.

БОЛОВСРОЛ:

• 1993 онд Дархан хотын 17 дугаар дунд сургууль,

• 1994-1998 онд МУИС-ийг Сэтгүүл зүй

АЖИЛЛАСАН БАЙДАЛ:

• 1998-2000 онд Eagle TV телевизэд сэтгүүлч, мэдээний албаны дарга,  

• 2000-2010 онд МҮОНРТ-ийн Нийгэм, эдийн засгийн редакцид сэтгүүлч, редактор,  

• 2010-2013 онд “Шинэ дэлхий” телевизийн Мэдээний албаны дарга, Гүйцэтгэх захирал,

• 2013 оноос хойш “Юни Си энд Си” ХХК-ийн Маркетингийн захирал,

• 2016 оноос “Юни солар” ХХК-ийн Ерөнхий захирал