​​​​​​Ерөнхий сайд Л.Оюун-Эрдэнийн тахимын Соёлын сайдаар "Mongol HD"-гийн захирал Ч.Номин ажиллахаар болжээ. 

Ч.Номин нь 10 жилийн 45 дугаар дунд сургууль, Их Британийн Ийст Англиа Их Сургуулийг эдийн засгийн чиглэлээр тус тус төгссөн. 2006-2007 онд Гацуурт Группийн Гадаад Харилцааны Захирал,  2007 оноос Тэрэлж зочид буудлын Ерөнхий Менежер, 2011 оны 2 сараас эхлэн  Монгол ТВ-ийн захирлаар ажиллаж байна. 

Ажлын түүхэн замнал:

Ч.Номин ажлын анхны гараагаа байгалийн цогцолбор газар болох 5 одтой Тэрэлж буудлаас эхэлж байжээ. Ч.Номин Их сургуульд сурч байх үед Тэрэлж дэх зочид буудал нь баригдаж байсан. Их сургуулийн нэгдүгээр дамжаанд байхад Тэрэлж буудлын  дизайн гарч байсан ба тухайн үед Канадын мэргэжилтнүүд буудлын дизайны ажлыг хийж байсан учраас долоо хоног бүр Канад явж ажлын гүйцэтгэлийнх нь талаар уулзаж, саналаа хэлдэг байжээ.

• 2011 оноос хойш Монгол HD телевизийн захирлаар ажиллаж байна.
• 2010 оны Бизнесмен эмэгтэй шагнал- Монголын Эмэгтэйчүүдийн Холбоо
• 2011 оны Fun Fearless Female шагналд нэр дэвшсэн- Космополитан сэтгүүл
• 2013 оны Телевизийн салбар дахь Дэлхийн нөлөө бүхий 25 эмэгтэйн нэг- "Hollywood Reporter"
• 2015 Монголын Хэвлэл Мэдээллийн Ёс зүйн зөвлөлийн Удирдах зөвлөлийн дарга

Ерөнхий сайд өнөөдөр сайд нарынхаа нэрийг МАН-ын УЗ-өөр хэлэлцсэний дараа УИХ, Ерөнхийлөгчид хүргүүлнэ. Энэ удаагийн Засгийн газрын бүтцэд өмнөх Засгийн газрын бүрэлдэхүүний талаас илүү нь буцаж иржээ. 

МАН-ын Удирдах зөвлөлөөр хэлэлцэх шадар сайд болон, салбарын сайд нарын НЭРС!