Маш цөөхөн хэдэн зүйл. Др.Мартенсийн Классиск 1460 загварын үнэ өссөөр байна. Найман нүхтэй, шар оёдолтой гутал 1960 онд анх худалдаанд гарахдаа 2 фунт стерлинг (2,71 доллар) үнэтэй байв. Эдгээр өдрүүдэд компанийн шилдэг өндөр борлуулалттай “original silhouette” гутлын үнэлгээ 239 фунтээр (ойролцоогоор 900000 төгрөг) зарагдаж байгаа нь анхдагч үнээсээ даруй 120 дахин нэмэгджээ.
Нэг хайрцаг тосны үнээс нэг унц алтны үнэ хүртэлх бүх зүйлийг давсан тус гутлын үнэ огцом өсч байгаа нь ажилчин ангийнханд зориулж бүтээсэн энгийн гутал дэлхийн алдартай брэнд болсон түүх өрнөж байна. (Классиск 1460 загвараас бусад загвар нь 150 фунт стерлингээр (585000 төгрөг) худалдаж авах боломжтой)
Ковид ба тэсвэр
Доктор Мартенс Ковидийг дийлж чадсан юм шиг санагдаж байна. Коронавирусийн тархалтаас болж дэлгүүрүүд хаагдахад тус компанийн цахим худалдааны борлуулалт идэвхжиж, 3-р сараас 9-р сар хүртэл жилийн өмнөхтэй харьцуулахад ойролцоогоор 2 дахин нэмэгджээ. Орлогын хэмжээ өнгөрсөн онд 48 хувиар өсч 672.2 сая паунд болжээ. Энэ нь 2000-аад оны эхээр хэт их үйлдвэрлэл явуулж, хэрэглэгчдийн хүсэл сонирхлыг өөрчилснөөс болж эргэлтэд орж байсан компанийн хувьд маш том дэвшил болжээ. Доктор Мартенс жилд 11 сая гаруй гутал зардаг гэж мэдэгдэж байсан бол 2001 онд 5 сая гэж байсан юм.
Тус гутал нь Дэлхийн II дайны дараах Мюнхенээс эхтэй бөгөөд 25 настай цэрэг хөлөө хамгаалах зорилгоор агаар зөөлөвчтэй улыг бүтээжээ. Хожим нь Английн Мидлэндэд зууны эхэн үеэс эхлэн гутал үйлдвэрлэж байсан Григгсийн гэр бүл 1960 онд цорын ганц тусгай лиценз худалдан авч, "AirWair" болгон өөрчилжээ. Дараа нь гутал нь ямар нэгэн байдлаар гайхалтай, үл итгэмээр байдлаар хотын соёлын бэлгэдэл болсон юм. Хэдэн арван жилийн туршид тэд скинхеад, гот, панкнаас эхлээд нийгмийн сүлжээн дэх нөлөө бүхий хүмүүс хүртэлх бүх хүмүүсийн сонгодог загвар байсаар ирсэн.
Нарийвчилсан өөрчлөлт
Доктор Мартенсын хувьд 1960-аад оноос хойш олон зүйл өөрчлөгдсөн бөгөөд 1967 онд The Who гитарчин Пит Тауншенд тэднийг тайзан дээр өмссөнөөр уг брэндийн шинэ арван жил түүхэнд тэмдэглэж үлджээ. Тэр үеэс хойш тэднийг маш олон нөлөө бүхий хүмүүс сурталчилж байсан юм.
Жилийн туршид брэнд хэр зэрэг өөрчлөгдсөнийг харуулсан бусад шинж тэмдгүүд байдаг. Гутал нь 1980-аад он хүртэл Их Британиас өргөн экспортлогдоогүй байсан бөгөөд одоо орлогын 20 хувийг Азиас, бараг 40 хувийг Америк тивээс авдаг. Тус компанийн анхны, одоо хүртэл ажиллаж байгаа үйлдвэр нь Лондоноос баруун хойд зүгт 90 минутын зайд орших Волластон хотод байдаг. Одоо бол ихэнх гутал нь Азид үйлдвэрлэгддэг.
Түүх бичигдсээр байна
Анх гэр бүлийн бизнесээс шуудан тээвэрлэгчдэд зориулж үйлдвэрлэсэн, дараа нь бослого, пролетариатын бардамналын дохио болсон энэхүү гутал энэ жил IPO гаргахаар болжээ.
Б.Бүжлхамаа
