Үндсэн хуулийн Цэцийн Дунд суудлын хуралдаанаар өнөөдөр Эрүүгийн хуульд нэмэлт, өөрчлөлт оруулах тухай хуулийг дагаж мөрдөх журмын тухай хууль Үндсэн хуулийн  холбогдох заалтыг зөрчсөн эсэх маргааныг хянан хэлэлцлээ. Хуралдаанаас уг хууль нь бүхэлдээ Үндсэн хууль зөрчсөн гэж үзсэн байна. 

Тодруулбал, 2020 оны нэгдүгээр сарын 10-нд УИХ-аар баталсан Эрүүгийн хуульд нэмэлт өөрчлөлт оруулах тухай хуулийг дагаж мөрдөх журмын тухай хуульд "2017оны долдугаар сарын 1-наас 2010 оны нэгдүгээр сарын 10-ныг хүртэл хугацаанд "хөөн хэлэлцэх хугацаа дууссан" үндэслэлээр хэрэгсэхгүй болсон авилга, албан тушаалын хэргийг сэргээн шалгахаар" заасан билээ. Өөрөөр хэлбэл, уг хуулийн дагуу дээрх хугацаанд "хөөн хэлэлцэх хугацаа нь дууссан" үндэслэлээр хаагдсан бүх хэргийг дахин шалгах үүрэг хуулийн байгууллагуудад өгөгдсөн гэсэн үг.

Гэвч энэ нь Үндсэн хуульд заасан хүний эрхийн зөрчил болж, иргэний эрх зүйн байдлыг дордуулах байдлаар Эрүүгийн хуулийг буцаан ашиглаж болохгүй гэсэн хуулийн зарчим алдагдаж байна гэж иргэд гомдол гаргасны дагуу Үндсэн хууль уг асуудлаар маргаан үүсгэсэн байна. Ингээд ҮХЦ-ийн дунд суудлын хуралдаанаас "Эрүүгийн хуульд нэмэлт өөрчлөлт оруулах тухай хуулийг дагаж мөрдөх журмын тухай хууль нь бүхэлдээ Үндсэн хууль зөрчсөн байна" гэж үзлээ.