Өнгөрөгч долдугаарт сард /2020.07.22/ ТЕГ-ын дарга асан Б.Хурц, УЕП-ын орлогч асан Г.Эрдэнэбат нарын есөн хүнд холбогдох эрүүгийн хэргийн шүүх хурал Төв аймгийн Эрүүгийн хэргийн анхан шатны шүүхэд болж, шүүгдэгч нарт 1-3 жилийн хорих ял оногдуулсан билээ.
Таван өдөр үргэлжилсэн шүүх хурлын эцэст Ж.Мөнхгал, С.Баяр, Б.Хурц, Г.Эрдэнэбат нарт тус бүр гурван жил, Э.Өлзийбаярт нэг жил, О.Бямбажав, Ү.Отгонбаяр нарт хоёр жилийн хорих ял оноож, О.бархасбадь, С.Эрдэнэбат нарыг цагаатгах шийдвэр гаргасан байдаг.
Хорих ял шийтгүүлсэн шүүгчдэгчдийн өмгөөлөгч нар давж заалдаж явсаар өнгөрөгч аравдугаар сарын 30-нд Төв аймаг дахь Эрүүгийн хэргийн давж заалдах шатны шүүхээс анхан шатны шүүхийн шийдвэрийг хүчингүй болгож шийдвэрлэсэн билээ. Мөн шүүх хуралдаан болтол шүүгдэгчдэд цагдан хорьж таслан шийдвэрлэх арга хэмжээ аваад байсан юм.
Өчигдөр буюу даваа гаригт шүүгдэгч нар "Монгол Улсын хилээр нэвтрэхгүй" гэсэн хувийн баталгаа гаргаж, таслан сэргийлэх арга хэмжээг өөрчлөх хүсэлт гаргасны дагуу өнөөдөр шүүхээс Б.Хурц, Г.Эрдэнэбат нарын долоон хүнд авсан таслан шийдвэрлэх арга хэмжээг өөрчилж, цагдан хорионоос сулласан байна. Шүүх хүрал болтол шүүгдэгчдэд хилийн хориг тавьжээ.
Мөн шүүгдэгчийн өмгөөлөгч нар одоогоор хэргийг анхан шатны шүүхээр дахин хэлэлцүүлэх шүүхийн шийдвэрийг давж заалдсан гомдол гаргаагүй байна.
