Хан-Уул дүүргийн Ардчилсан намын гишүүд намын дотоод дүрэм болон Ардчилсан намын даргын сунгааг зохион байгуулахгүй болсонтой холбогдуулан мэдээлэл хийлээ. 

АН-ын гишүүн А.Цэрэнбат: Өнөөдөр мэдээлэл хийж байгаа энэ хүмүүс бүгд АН-ын гишүүд. АН өнөөдөр орон нутгийн сонгуульд ялагдлаа. 30 нэгжээс 9-д нь ялж, 21-д нь ялагдсан. Орон нутгийн сонгуулиар АН даргагүй орсон. С.Эрдэнэ гэдэг хүн УИХ-ын сонгуульд намаа ялагдуулаад, тамгаа өгөөд алга болсон. Үүрэг гүйцэтгэхээр авсан хүмүүс нь АН-ыг сонгуульд бодлоготойгоор даргагүй оруулж ялагдуулсан. Жишээ нь гэхэд Хан-Уул дүүрэг 15 ИХТ-тэй байсан одоо 2 болсон. Гэвч Хан-Уул дүүргийн дарга нь ажлаа хийсээр байна. Намын дүрмээр бол одоо үүрэг гүйцэтгэж байгаа АН-ын даргын үүрэг гүйцэтгэгч Ц.Туваан, Нийслэлийн АН-ын дарга Д.Пүрэвдаваа нар хариуцлагаа хүлээж ажлаа өгөх ёстой. Энэ хүмүүс АН-ын дүрмийг ноцтойгоор зөрчиж байгаа. 

АН ерөөсөө нийгэмд гархаа байсан байна. Үхээнц, дорой, арчаагүй хэдэн үүрэг гүйцэтгэгч л намыг удирдаж байна. Бид АН-ынхаа мянга мянган гишүүдэд хандаж хэлмээр байна. Энэ их доромжлол, худал, луйвар, эрх мэдлийн эсрэг босох цаг нь болсон. Ардын нам ялахад хар машинаа хакердсан юм уу, царцаагаа нүүлгэсэн юм уу? энэ талаар нэг үг дуугарсангүй. Гэтэл энэ хүмүүс одоо намын дүрмээ шинэчлээд дахиад дарга болоё гэж байна. Дээд шүүхэд бүртгэлтэй АН-ын ганц дүрэм байгаа. Гэтэл шинэ дүрэм батлаад дахиад 21, 24 оны сонгуульд оролцоно гэж байна. 

АН-ын мянга, мянган гишүүд ялагдаагүй, АН-ын нэрийг барьж байгаа, эрх мэдлийн төлөө тэмцэж байгаа хүмүүс л ялагдсан. Одоо Л.Болд, Ж.Батзандан гэх урвагчид намд орж ирж шавартай нь хутгах гэж байна, булингартуулж байна. 

Өнөөдөр МАНАН МАФИ гэж ярьдаг. МАНАН МАФИ байгаа нь үнэн. Тэр тусмаа АН-д байгаа. 

АН-ын даргын үүрэг гүйцэтгэгч Ц.Туваан, Нийслэлийн АН-ын дарга Д.Пүрэвдаваа нар АН-ын дотор байгаа МАНАН МАфИ-ийн гар хөлүүд. Бид энэ хүмүүсийг зайлуулж байж АН шинэчлэгдэнэ. Энэ хүмүүс дахиад даргаар байгаад Ерөнхийлөгчийн сонгуулийг удирдах юм бол АН дахиад сөнөнө. Хагарал бутрал бүүр гүнзгийрнэ.

Эдгээр хүмүүс АН-ын дүрмийг өөрчилж, намын даргын дотоод сонгуулийг зогсоосон.

Ардчилсан нам нам дотроо Ардчилалгүй болсон. Үгээ хэлдэг, дарга нараа шүүмжлэхэд дайсан болдог, гадуурхагддаг болсон.

Ардчилсан нам бол монголын эрх чөлөө, тусгаар тогтнол, үндэсний үнэт зүйлсийн төлөө тэмцдэг, хувь хүний үзэл бодлоо илэрхийлэх, иргэний эрхийн төлөө гарч ирсэн нам. Гэтэл нам дотроо энэ зүйл байхгүй болсон. Цөөхөн хэдэн хүмүүс л энэ намын эрх ашгийг төлөө тэмцэж байна.

Х.Баттулга ерөхийлөгч АН-ын даргын үүрэг гүйцэтгэгч Ц.Туваан, Нийслэлийн АН-ын дарга Д.Пүрэвдаваа гэдэг хүмүүсээ татахгүй бол үйл ойлголцлол, энэ хагарал ерөнхийлөгчийн сонгуульд нөлөөлнө шүү. Хэрвээ АН-ын хагарал байсаар байх юм бол Ерөнхийлөгчийн сонгуульд ч оролцмооргүй байна. АН өөрийн үнэт зүйл дээр буцаж очих ёстой.

2017 онд баталсан намын дүрэм маш сайн дүрэм. Бид дүрмээ хэрэгжүүлж чадахгүй бол АН үнс нурам боллоо.

Ардчилсан нам 159 гаруй мянган гишүүнтэй, та бүхэн өөрсдийн үзэл бодлыг чөлөөтэй илэрхийл, бид олуулаа, гуравхан даргад загнуулаад явна гэж байхгүй. Нийгэм өөр болсон. Хэн нэгэн хүнд үгээ хэлдэг, хэн нэгний үгийг сонсож үгээ хэлж ойлголцдог болсон. Би дарга гээд гараа зангидаад дүрмийн бус үйлдэл гаргаад байх юм бол АН-ын хувь заяа байхгүй боллоо.

Гэхдээ гишүүд бид итгэл найдвараа алдаагүй. АН-ыг өөр түвшинд гаргах, үзэл санаа, монгол улсын хөгжлийн төлөө зогсож чадах ухамсартай, ёс зүйгээрээ үлгэрлэн манлайлах тийм удирдагчийг хүсч байна. Түүнээс ийм шившгийн үүрэг гүйцэтгэгч нар хэрэггүй.

Ардчилсан намд ямар ч ордон хэрэггүй, үзэл санаа хэрэгтэй" гэлээ. 

Мөн тэрээр" Манай АН-ын лидерүүдийн өс хонзон өнөөдрийн байдлыг бий болгож байна. Х.Баттулга Ц.Элбэгдоржтой өс хонзонтой, Ц.Элбэгдорж нь Х.Баттулгатай өс хонзонтой. АН хоёр удаа ерөнхийлөгчтэй болсон. Энэ хүмүүс АН-ын шинэчилж, үлдээе гэж бодож байвал АН-аас хол бай гэж хэлмээр байна.

АН-ын дотоод сонгуулийн сунгааг зогсоосон. Тэр сунгаанд залуу нэрээ дэвшүүлээд байсан. Энэ  хүнд өөрсдийгөө танилцуулах боломж олдоогүй. Шинэчлэл гэж шинэ хүн гарахыг л хэлнэ. Хуучин хөгшчүүл байвал ямар ч шинэчлэл байхгүй. Гэтэл энэ хүмүүс дүрэм рүү дайрч, дүрэм өөрчлөх гэж байна. Энэ бүхний ард М.Энхболд байгаа. АН-ыг шавар шавхаатай хутгахаа боль" гэлээ.