x

О.Солонго: Ханиад бүрэн эдгээгүй бол томуугийн вакциныг хийдэггүй

ЭХЭМҮТ-ийн Хүүхдийн эмнэлгийн хүүхдийн эрүүл мэнд тусламж үйлчилгээ хариуцсан зохицуулагч, АУ-ны доктор, Хүүхдийн уушгины эмч О.Солонготой ярилцаж, томуугийн вакцинжуулалтын талаар тодрууллаа.

-Томуугийн вакциныг зарим хувийн эмнэлгүүд хийж байгаа. Вакцин хийх тохиромжтой хугацаа нь хэзээ вэ?

-Улирал хоорондын энэ үеийг ханиад шуухинаагийн үе гэж үздэг. Ард иргэд томуугийн үе эхэлсэн гэж андуурах тохиолдол байна. Томуугийн вирус нь хүйтэн, чийгшил багатай агаарт удаан хугацаагаар амьдарч эмгэг төрүүлэх шинж чанартай болдог. Улирлын томуу нь жил бүрийн 11 дүгээр сараас дараа жилийн гуравдугаар сар хүртэл үргэлжилдэг. Томуугаас урьдчилан сэргийлэх хамгийн үр дүнтэй арга нь дархлаажуулалт байдаг. Гэвч өвчлөлийг 100 хувь бууруулна гэсэн үг биш юм. Өвчлөлийг багасгах, өвчилсөн тохиолдолд хүндрэлийг багасгах үр дүнтэй байдаг.

Томуугийн дархлаажуулалтад манай улс жил бүрийн аравдугаар сарын 1-15-ны хооронд идэвхтэй хамруулдаг. Энэ үе нь хамгийн тохиромжтой үе гэж хэлж болно. Энэ жил ЭМЯ-аас 1.2 сая хүнийг томуугийн вакцинд хамрууулахаар болсон. Өмнөх жилүүдээсээ хэд дахин өндөр дархлаажуулалтанд хамруулж байгаа. Вакцин хийхдээ эцэг, эхчүүдэд урьдчилан мэдээлэл өгсний үндсэн дээр хүүхдүүдэд хийдэг байгаа. Хувийн эмнэлгүүдийн хувьд цөөн тоогоор оруулж ирж хийдэг учраас сайн дурынхан төлбөрөө төлөөд хамрагддаг.

-Томуугийн вирус ямар онцлог шинжтэй вэ? 

-Амьсгалын замын цочмог халдвар нь 200 гаруй төрлийн вирусээр үүсгэгддэг. Сэрүүн бүсийн орнуудад ард иргэд томуу, томуу төст өвчинд жилд 5-6 өртдөг байна. Томуу нь томуугийн вирусаар үүсгэгддэг, бүх насны хүмүүсийг өвчлүүлдэг амьсгалын замын цочмог халдвар юм. Вирус нь А, B, С хүрээний хэв шинжтэй. Томуугийн халдвараас сэргийлэх нийтлэг арга хэмжээ бол өвчилсэн хүнтэй хавьтахаас зайлсхийх, амны хаалт хэрэглэх, гараа угаах, зөв ханиаж найтаах, шингэн зүйл ойр ойрхон уух, зөв асаргаа сувилгаа, дулаан байлгах, илчлэг сайтай, аминдэмээр баялаг хоол хүнс хэрэглэх, идэвхитэй хөдөлгөөнтэй байх, сайн унтаж амрах зэрэг байдаг. 

Томуугийн урьдчилан сэргийлэх тарилга /вакцин/ нь уг вирусийн эмгэг үүсгэхгүй бүтцийн тодорхой хэсгийг агуулсан зохиомлоор дархлаа тогтоох тарилга юм.

Томуугийн вакцин хийлгэсний дараа вирусийн халдвар авахад дархлаа тогтолцоо үр дүнтэй идэвхжиж вирусийг устгаж биеэс зайлуулах урвал явагдана.

Вирус дархлаа тогтолцоонд устахгүй амьсгалын замын эсэд халдварлан өсөж үржсэнээр томуугаар өвчилнө. Улмаар халуурах, бие зарайх, жихүүцэх, ханиах, хоолой сөөх, өвдөх, шингэн нус гоожих, булчин биеэр хөндүүрлэх, толгой өвдөх ба ядарч сульдах шинж илэрдэг.

-Томуугийн вакцинд нэн тэргүүнд хамрагдах зорилтот бүлэгт хэн хэн ордог вэ?

-Томуугийн дархлаажуулалтанд бага насны хүүхдүүд, ахмадууд, жирэмсэн эмэгтэйчүүд, хүнд архаг өвчин эмгэгтэй хүмүүс, эрүүл мэндийн ажилтнуудыг нэн тэргүүнд хамруулдаг. 

-Томуугийн вакцин хэр хугацаанд үйлчилдэг вэ. Ямар шинж тэмдэгтэй хүмүүс томуугийн вакцин хийлгж болохгүй вэ? 

-Томуугийн вакцин хийлгэсний дараа олдмол дархлаа хамгийн багадаа 14 хоногт үүснэ. Судалгаагаар вакцины дархлаа тогтоох чадвар дунджаар 5 сар байдаг байна. Ханиад бүрэн эдгээгүй, ханиадны (халуурсан, ханиалгасан, нус гоожсон гэх мэт) шинж тэмдэг илэрсэн үед, бусад товлолт вакцин хийлгэснээс хойш нэг сарын хугацаа өнгөрөөгүй бол дархлаажуулалтанд хамрагдахгүй.

Мөн өмнө нь томуугаас сэргийлэх тарилгын үед хэт мэдрэгшлийн хариу урвал илэрч байсан, өндөг, тахианы мах болон тахианы бусад бүтээгдэхүүнд хэт мэдрэг хүмүүс, тарилга хийлгэхээс өмнө нэг жилийн дотор булчин татах өвчнөөр өвчилсөн хүмүүс хийлгэхийг зөвлөхгүй. 

Тарилга хийсний дараа тухайн газар улайх, хавдах, өвдөх зэрэг хэсэг газрын шинж, мөн халуурах, толгой өвдөх, ядрах, бөөлжих зэрэг шинжүүд илэрч болно. Эдгээр шинжүүд нь ихэвчлэн 2-3 өдрийн дотор арилдаг. Тарилга хийлгэснээс хойш хоёр хоног ус хүргэхгүй байна. Маш ховор тохиолдолд харшлын урвал, анафилаксийн шок илэрч болно.

Эх сурвалж: ЭМЯ

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Н.Алтанхуяг: Болохгүй бол би Н.Багабанди даргад захиа бичье л дээ 18 минутын өмнө Дуучин Л.Сөрөлт, А.Түмэн-Өлзий нийслэлийн 381 жилийн ойд зориулан "Хотын уянга" дуу бүтээжээ 38 минутын өмнө Энхийг сахиулах ажиллагаанд оролцсон аврагч, гал сөнөөгчдийг шагналаа 1 цаг 14 минутын өмнө Г.Эрдэнэбат, Б.Хурц нарт холбогдох хэргийг анхан шатны шүүхэд буцаалаа 1 цаг 30 минутын өмнө Машины цонхоор тамхины иш хаявал Зөрчлийн тухай хуулиар торгоно 2 цаг 51 минутын өмнө ФОТО: Нийслэлийн туг мандуулах ёслол боллоо 3 цаг 11 минутын өмнө "ЭТТ" ХК тэтгэлэгт хөтөлбөрийнхөө мөнгөн дүнг нэмэгдүүлнэ 3 цаг 21 минутын өмнө Польшид үр хөндөлтийн эсрэг хуулийг эсэргүүцэж эмэгтэйчүүд ажил хаялаа 3 цаг 51 минутын өмнө АНУ: Ерөнхийлөгчийн сонгууль ба залуусын бодит оролцоо 4 цаг 43 минутын өмнө Нийслэлийн шилдэг 20 сургууль, 20 цэцэрлэгт урамшуулал олголоо 5 цаг 13 минутын өмнө Гэр хорооллын шинэ суурьшлын бүсийн 370 айл өрхийг эрчим хүчинд холбожээ 5 цаг 19 минутын өмнө Д.Амартүвшин: Осоржамаа оролцсон шоуны дугаарыг 260 мянган хүн үзсэн 5 цаг 41 минутын өмнө Ж.Батбаясгалан: Утаанаасаа салсан бахдам амжилттайгаар 381 жилийн ойтойгоо золголоо 6 цаг 13 минутын өмнө Харвардад Монгол судлалыг үндэслэсэн МАЛЧИН ЭРДЭМТЭН 7 цаг 5 минутын өмнө СЭРЭМЖЛҮҮЛЭГ: Орон нутагт гарсан ослын улмаас нэг хүн амиа алдлаа 7 цаг 19 минутын өмнө Улаанбаатар хотод “Дэлхийн экспортыг дэмжих форум” болно 7 цаг 20 минутын өмнө Нийслэлийн 2020 оны шилдэг дүүргээр Налайх дүүрэг тодорлоо 7 цаг 43 минутын өмнө Төрийн албаны хууль зөрчсөн томилгоо хийхгүй байхыг зөвлөв 8 цаг 4 минутын өмнө Нийслэлийн 381 жилийн ойг тохиолдуулан төрийн дээд одон, медаль гардуулав 8 цаг 19 минутын өмнө Г.Мөнхбаатар: “Хүүхдийн автобус” гэдэг худалдан авалт төдий биш ардаа асар том хариуцлагатай ажил 8 цаг 34 минутын өмнө
iИх уншсан
Д.Сумьяабазарыг нийслэлийн Засаг даргад дэмжсэнээр НИТХ Үндс... АРХИНЫ ТАЙЛБАР Ерөнхий сайдын үнэтэй Хотын даргын суудал АНУ-ын сонгууль 2020: Пенс Ковидыг үл харгалзан сонгуулийн с... О.Баасанхүү: Чимгээ, Содномдаржаа нар энэ хэргийг үйлдсэн гэ... “Галзуу” Со-гийн драма буюу Д.Сосорбарамын оршихуй Хүчирхийлэгчийг цаазлая гэхийн оронд хүчирхийллээс хамгаалда... Сонгууль, улстөрч үнэхээр хэрэгтэй юү? Ард түмэн бол цагаан цаас юм Жой Байдэн яагаад баян хүмүүсээс их санал авч чадахгүй вэ? Д.Амартүвшин: Осоржамаа оролцсон шоуны дугаарыг 260 мянган х... Өөрөө холдож, өөрийг хөгжүүл Д.Амартүвшин: Осоржамаа оролцсон шоуны дугаарыг 260 мянган х... Харвардад Монгол судлалыг үндэслэсэн МАЛЧИН ЭРДЭМТЭН Гэртээ цоожлуулсан дөрвөн хүүхэд галд амиа алдлаа Ой таван сартай хүүгийн аминд төрсөн эцэг нь хүрчээ Богдхан ууланд гарахад том хүн 300 төгрөгийн хураамж төлнө АН: Тэтгэврийн доод хэмжээг 500 мянган төгрөг болгох хуулийн... С.Шаарийбуу: Малайзад асуудалд орсон бараг бүх хүн надад хан... Ой таван сартай хүү хойд эцэгтээ хэрцгийгээр зодуулан нас ба...
Top