Австрали, Америкийн эрдэмтдийн шинэ судалгаа нь эрүүл судсанд хамгийн ашигтай гэхдээ тэр болгоны дуртай биш брокколи болон брюсселийн байцаа гэдгийг тогтоожээ.
Загалмайт цэцэгт ургамал нь судасны эрүүл мэндэд бусад ногооноос нэг шатаар сайн болж таарлаа. Брокколи болон брюссель байцаагаар баялаг хоол нь судасны бүтцийн өвчний гол маркер болсон аорта судасны кальцинозын хөгжлийн эрсдлийг буулгадаг байна. Судалгааг British Journal of Nutrition сэтгүүлд нийтэлжээ.
“Бидний өмнөх судалгаагаар эдгээр ногоог ихээр хэрэглэдэг хүн зүрхээр хатгах, шигдээс зэрэгт бага өртдөгийг харуулсан ч бид гол шалтгаанд нь эргэлзэж байлаа. Энэ удаагийн судалгаагаар загалмайт цэцэгт ургамлыг ихээр хэрэглэдэг настай эмэгтэйчүүдэд аорта судасны кальциноз гарах эрсдэл багатайг тогтоолоо” хэмээн судалгааны удирдагчийн нэг Лорен Блеккенхорст өгүүлжээ.
Мэргэжилтнүүд 684 настай эмэгтэйчүүдийн судалгаандаа хамруулаад өдөрт 45 грамм загалмайт цэцгийн ургамал хүнсэндээ хэрэглэдэг эмэгтэйчүүдийн аортын судсанд кальци хуримтлагдах эрсдэл 46 хувиар буурсныг олж тогтоожээ.
М.ЦОГТ
