Өглөө бүр 06:00 цагт нар мандахтай хамт Үндэсний цэцэрлэгт хүрээлэнгийн хөл бөмбөгийн талбайд дасгалжуулагч Л.Саруулбат тэргүүтэй фитнессийн багш нар фитнессийн үнэгүй хичээл зохион явуулж байгаа билээ.
Тэгвэл өнөөдөр энэхүү үйл ажиллагааг улс орон даяар хэрэгжүүлэхэд Биеийн тамир, спортын улсын хороо дэмжлэг үзүүлэн хамтарч ажиллахаар харилцан ойлголцлын санамж бичигт байгууллаа.
Фитнесийн багш Л.Саруулбатын санаачилсан үйл ажиллагааг өргөн цар хүрээтэй зохион байгуулах, нийтийн биеийн тамирыг хөгжүүлэх, дасгал хийж дархлаагаа дэмжихэд БТСУХ-ны дарга Ц.Шаравжамц дэмжлэг үзүүлэхээр болжээ.
Ингэснээр Монгол улсын үнэт баялаг ард түмний эрүүл мэндийг хамгаалах, цар тахлын үед дасгал хөдөлгөөнөөр дархлаагаа дэмжих, нийтийн биеийн тамирыг түгээн дэлгэрүүлэх үйл ажиллагааг үндэсний хэмжээнд зохион байгуулах боломжтой юм.
Сэтгэгдэл (1)