x

Алдар, амжилтын үнэлэмж

Тамирчдыг харахад заримдаа медалийн тавцан дээр зогсож байгаа нь ялалт байгуулсан мэт харагддаг ч тэр гавьяатай зүйлээ эх орон, ард түмэн, төрдөө үнэлүүлэх нь түүнээс дутуугүй бодит үнэлэмж юм шиг.

Тамирчид яах гэж спортод өөрийгөө зориулсан, юуг даван туулсан, юунд хүрснээ өөртөө болон ард түмэндээ батлан харуулаад зогсохгүй  ямар нэгэн хэмжээгээр хөдөлмөрлөснийхөө хөлсийг, урам зоригийг, амьдралын турш нэрийнх нь хуудас болох нэр төрийн баталгааг хүртэх цагтаа хүртэх ёстой юм шиг санагддаг.

Спорт, залуу нас хоёр хагацашгүй мөнхийн хамтрагчид. 2018 онд жүдо бөхийн ДАШТ-ээс хүрэл медаль хүртсэн Л.Отгонбаатар, Ө.Дүүрэнбаяр, мөн тэр онд чөлөөт бөхийн ДАШТ-ээс хүрэл медальтай ирсэн Т.Түвшинтулга нарын залуус ид оргил үеийн амжилтынхаа үнэлэмжийг цаг тухайд нь хүртэхгүй өнгөрчих вий гэсэн хүлээлт олон нийтэд байгаа. Бадрахын Одончимэг (2009 он, ДАШТ-ий хүрэл), Банзрагчийн Оюунсүрэн (2011, ДАШТ-ий мөнгө) нар ч мөн их спортын нүүр бардам тамирчид гэдэгтэй маргах хүн гарахгүй байх. Чөлөөтийн Б.Одончимэг гэхэд Дэлхийн аваргын хүрэл медалиас гадна Азийн наадмын хүрэл, Азийн аварга шалгаруулах тэмцээний хошой мөнгө, гурван хүрэл медальтай гээд дагалдах олон амжилттай.

Тэднээс гадна олон аварга, олон сайн тамирчин олимпийн бус төрөл, багийн спорт, эсвэл үндэсний спортынх байсныхаа төлөө нэр төр, урамшуулал, гавьяаны цаана үлддэг тохиолдол ч цөөнгүй. Самбо, жүдо бөхийн Монголын шилдэг тамирчдын нэг Б.Ариун-Эрдэнэ, үндэсний бөх төдийгүй өөр бусад спортоор олон улсын амжилт гаргасан Доржпаламын Ганхуяг, волейболын спортыг Монголд өсгөж өндийлгөхийн төлөө бүхий л цаг хугацаагаа зориулсан Жаргалын Хаянхярваа нарыг нэрлэж болж байна.

Спорт хүнээс ямар их хөдөлмөр, тэвчээр, цаг шаарддаг билээ. Улсын шигшээ багийн нүүр царай болж, олон улс, тив дэлхийд тогтмол амжилт гаргаж байсан, олон сайн тамирчин хэрхэн алдар, амжилтын бартаа туулж ирснийг нэг, хоёр тэмцээний медалиар хэмжиж боломгүй.

Жүдогийн Б.Ариун-Эрдэнэ байна. 2003-2012 оны хугацаанд Үндэсний шигшээ багт дуудагдан барилдахдаа жүдо бөхийн төрлөөр Монгол Улсын жүдо бөхийн насанд хүрэгчдийн улсын аваргад есөн удаа түрүүлж, үнэмлэхүй жингийн аварга болж, Ази тивийн аварга шалгаруулах тэмцээнээс мөнгө, "Чингис хаан" Дэлхийн цомын тэмцээнээс мөнгө, Зүүн азийн наадмын жүдо бөхийн төрөлд хүрэл медаль, Зүүн азийн аварга шалгаруулах тэмцээнээс хошой мөнгөн медаль хүртэж байсан 2000-аад оны лидер жүдочдын нэг. Самбо бөхийн төрлөөр Монгол Улсын насанд хүрэгчдийн улсын 14 удаагийн аварга, Дэлхийн аварга (2005 он), Дэлхийн аварга шалгаруулах тэмцээний мөнгө, хошой хүрэл медальтай. Цаашилбал, самбо бөхийн Ази тивийн 5 удаагийн аварга, хошой хүрэл медаль, Дэлхийн тулааны спортын наадмын хошой аварга гэсэн амжилтыг энэ төрөлдөө тогтмол гаргаж ирсэн. Самбо, жүдо нийлүүлбэл Монгол Улсын 23 удаагийн аварга түүнийг жүдо, самбо бөхийн аль ч төрөлдөө үнэлэмжтэй тамирчин гэдгийг дээрх амжилтууд нь харуулна.  

Монгол Улсад самбо бөхийн спорт үүсч хөгжсөний 50 жилийн ой хоёр жилийн өмнө тохиосон. Өнөөдрийг хүртэл самбо бөхийн дэлхийн аварга 39 төрсөн нь Монгол Улсад хөгжиж байгаа спортын бүх төрлөөс хамгийн өндөр амжилтад тооцогддог. Монголын самбочид 1973 оноос тив, дэлхийн аварга шалгаруулах тэмцээнд оролцож эхэлснээсээ хойш тив, дэлхийн аварга шалгаруулах тэмцээнээс 59 алт, 21 мөнгө, 28 хүрэл медаль хүртсэн гэхчлэн тэмдэглэвэл самбо бөх олимпийн төрөлд уригдах асуудал яригдаж байгаа энэ цаг үед амжилт, эрэмбийн хувьд багагүй өндөр байр суурьтайд тооцогдоно.

Дашрамд тэмдэглэхэд, Олон улсын олимпийн хороо жил гаруйн өмнө хуралдсан Гүйцэтгэх зөвлөлийн хурлаараа бөхийн самбо барилдааны төрлийг зөвшөөрч, олимпын төрөлд оруулахад татгалзах зүйлгүйг мэдэгдэн, түр зуурын статустайгаар хүлээн зөвшөөрсөн. Самбын олон улсын холбоо гурван жилийн хугацаанд ОУОХ-ны шаардлагыг биелүүлж чадвал олимпийн гэр бүлд уригдах болзолтой яваа.  Гэхдээ “Парис-2024” олимпийн нэмэлт дөрвөн төрөл тодорхой болж, спорт авиралт, сёрфинг, скейтборд, брейк бүжиг шалгарсан тул самбочдын хувьд “Лос-Анжелес-2028” олимпийн хөтөлбөрт багтах боломж хүлээж байгаа билээ. Хэрэв самбо бөх олимпийн төрөлд багтвал монгол хүний бие бялдар, сэтгэхүйд тохирсон энэ спортоор Монголын тамирчид өндөр амжилт гаргах бүрэн боломж бий. Энэ боломжийн төлөө дотооддоо самбо бөхийн спортыг өргөн хөгжүүлэх, мэргэжлийн тамирчидтай болох, менежментийн шинэчлэл хийх бодлогууд явж байгаа гэж хардаг. Энэ бодлогыг барихад ч Б.Ариун-Эрдэнэ Монголын самбо бөхийн холбооны генсекийн хувьд гол үүрэгтэй оролцож байгаа. 

Энэ мэтээр алдар, амжилтын үнэлэмж асуух тамирчид цөөнгүй л байгаа. Хүний гаргасан амжилт, байгуулсан гавьяаг дурсаж, сануулж, урам нэмж байхад илүүдэхгүй. Тэр тусмаа тамирчдын оргил үеийн үнэлэмж, олон жилийн хөдөлмөр, асгаруулсан хөлсний үнэ цэнэ спортын хүн бүрт эрхэм байдаг болохоор...

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
ЗГХЭГ-ын даргын хэлсэн ДОЛООН ХУДАЛ 9 цаг 16 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 9 цаг 26 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 10 цаг 29 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 10 цаг 46 мин "Титаник” киноны Рөүзийн амийг аварсан тавцанг дуудлагаар худалджээ 10 цаг 46 мин Хотын төвийн зогсоолуудад 47,400 автомашин бүтэн өдрөөр байршдаг 10 цаг 54 мин Цусны хорт хавдрыг ялан дийлсэн Икээ Парисын Олимпод өрсөлдөнө 11 цаг 6 мин Ойрын хоёр хоногтоо нутгийн зүүн хэсгээр салхитай хүйтэн байна 11 цаг 20 мин Дотоодын цэрэг өндөр чадвартай хөдөлгөөнт хүчинтэй болно 11 цаг 23 мин Голомт банк “Их засаг” олон улсын их сургуультай хамтран ажиллана 11 цаг 36 мин Гамшгийн үеийн зарлан мэдээллийн дуут дохиотой дадлага сургуулилалт хийлээ 11 цаг 40 мин Зарлан мэдээллийн дохиогоор дадлага сургуулилалт хийлээ 11 цаг 53 мин Дөрөвдүгээр сард болох үндэсний бөхийн барилдааны хуваарь 12 цаг 29 мин Өнөөдөр 16:00 цагт орон даяар гамшгийн дохио дуугарна 14 цаг 43 мин Палестиныг дэмжигчид Пентагоны шефийн гэрийн урд өтгө бууц асгажээ 14 цаг 47 мин Чингэлэг чингэлгээр зөөсөн нүүрсний мөнгийг Сү.Батболдын "бохир" мөнгөөр дарах уу? 15 цаг 54 мин Ж.Чинбүрэн: Шалгалтын ажилд санаатай саад хийж буй албан тушаалтанд хууль заасан хариуцлага тооцно 16 цаг 51 мин Н.Учрал гишүүний эргэн ирэлт ба Эмийн жорын “цахимжилт” 17 цаг 25 мин Оросын ХАБА-ны тэргүүн Бортников: АНУ, Их Британи, Украин Москвагийн террорт хамаатай 18 цаг 18 мин ОРОС дахь АЛЛАГА 19 цаг 15 мин
iИх уншсан
Хуулиар засаглах биш, хуульчдаасаа хулгайлдаг ТӨР Найруулагч П.Лхагвадулам: Сэтгэлээс гардаггүй тийм л мэдрэмж... Богд хаант Монгол төрийг устгасан нь Д.Амгалан: Хувийн хэвшлийнхэн төрийн албан хаагчдыг цалинжуу... 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Чингэлэг чингэлгээр зөөсөн нүүрсний мөнгийг Сү.Батболдын "бо... Н.Учрал гишүүний эргэн ирэлт ба Эмийн жорын “цахимжилт” ОРОС дахь АЛЛАГА Батсүмбэр сумын 100 жилийн ойн барилдаанд улсын заан Б.Серик... Дөрөвдүгээр сард ихэнх нутгаар салхи шуургатай, хүйтэн байх ... Эрчим хүчний шилжилт хийх өрхүүдийг сонгон шалгаруулж байна Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б...
Top