Сармагчин дээшээ авирах тусам бөгс нь улам тод харагддаг...

Ингэж манай нэг сэтгүүлч бичсэн байна. УИХ-ын дэд дарга Т.Аюурсайхан өчигдөр буюу УИХ-ын ээлжит бус чуулганы хуралдсан эхний өдөр Ховд аймгаас сонгогдсон УИХ-ын гишүүн, АН-ын дэд дарга Б.Пүрэвдоржийг чуулган, байнгын хороонд үг хэлэх эрхийг хасч, алх тогшчээ. Асуудал боссон шалтгаан нь 2020 оны төсвийн тодотголтой холбоотой.

УИХ-ын ээлжит сонгуулийн өмнө эдийн засагчид, сөрөг хүчний зүгээс "эдийн засаг хямралтай байна, төсвийн тодотголоо хийгээч ээ" хэмээн шаардсаар байсан ч эрх баригч намын дарга, Сангийн сайд нар "төсөвт тодотгол хийх шаардлагагүй" хэмээн зүтгэсээн сонгуульдаа орсон билээ. Гэсэн хэрнээ цар тахлаар шалтаглаж, "эдийн засагт үүссэн онцгой нөхцөл байдал" хэмээн Засгийн газар төвсийн асар их эрх олж авсан, түүгээрээ өнгөрсөн удаагийн сонгуулийг санхүүжүүлсэн. Төсвийн, татвар төлөгчдийн мөнгөөр сонгууль хийсэн. Тийм учраас Засгийн газрын энэ хууль бус ажиллагааг Төсвийн тодотголоор залруулж болохгүй гэснийхээ төлөө ямар ч сануулгагүйгээр УИХ дээр үг хэлэх эрхээ хасуулав.

(Б.Пүрэвдорж: 16 нас хүртэлх хүүхдийн амжиргааг дэмжих мөнгө гэж байдаг. Энийг 100 мянган төгрөг болгож нэмэгдүүлээд нийт 67 мянган хүүхдэд өгсөн. Үүнд 20 тэрбум төгрөг зарцуулсан. 

Улаан сайд алдаатай үг хэлснээс болж ноолуурын үнэ дээр алдаа гаргасан. Малчдын саналыг алдана гэж үзээд нийт 175 тэрбум төгрөгийг 203 мянган малчдад дунджаар нэг өрхөд 800 мянган төгрөгийн хөрөнгө өгсөн. Энэ бол сонгуулийн авлига.

Хоол хүнс тэжээлийн мөнгө. Энийг сэмхэн 16 мянга байсныг 32 мянга, том хүнд 32 мянга байсныг 64 мянга болгосон. Энийг өгөхдөө баг, хорооны ажилчдаар дамжуулж гишүүд дэмжигчдэдээ өгсөн хэмээн хэлсэн...)

Энэ өдрийн чуулганы үйл явц монголчуудын хувьд сая болж өнгөрсөн сонгуулийн үр дүнгээс дутуугуй "шок"-ийг авч ирэв. Иргэд Ховдын ард түмний төрд үгээ хэлэх, төлөөлүүлэх эрх зөрчигдөж байгаа, парламентын түүхэнд анх удаа хүний эрхийг бүдүүлгээр зөрчсөн, үг хэлэх, үзэл бодлооо илэрхийлэх эрхийг хавчин боосон хэмээн бичиж байна.

Твиттер болон Фейсбүүк дэх байр сууриуд: