x

Хойтон суллахын хооронд хохирлоо л барагдуулмаар байна

"Хойтон суллахын хооронд хориод яах вэ, хохирлоо л барагдуулмаар байна"

Сонгуультай зэрэгцэн манай хэд хэдэн улстөрч аавын хаалга татсан. Үүнийг сонгуулийн шоу гэж харах нэгэн байхад “У.Хүрэлсүхийн Засгийн газар ажлаа сайн хийж байна, төрийн мөнгөөр тоглогсодтой одоо л хариуцлага тооцох нь” хэмээх иргэдийн хүлээлт ч бий болсон. Магад энэ хүлээлт МАН-д үнэмлэхүй олонхын санал авахад нөлөөлсөн байж болох. Харамсалтай нь улстөрчдийн үйлдсэн гэмийг оноосон ялтай нь харьцуулахад тэнгэр газар шиг зөрүүтэй байна.

Тухайлбал, УИХ-ын гишүүн асан Н.Номтойбаяр Хөдөлмөр, нийгмийн хамгааллын сайдаар ажиллаж байхдаа эрх мэдэл, албан тушаалын байдлаа урвуулан ашиглаж Хөдөлмөр эрхлэлтийг дэмжих сангаас хамаарал бүхий этгээдэд зээл өгсөн нь шүүхээр тогтоогдсон.

Ийн түүний үйлдсэн гэмд шүүх нийтийн албанд томилогдох эрхийг таван жилийн хугацаагаар хасаж, 5.5 жил хорих ял оноосон. Харин шүүхийн шийдвэрт хохирлын хэмжээ хийгээд хохирлыг хэн, хэрхэн барагдуулах талаар дурдаагүй юм. Гэтэл Н.Номтойбаяр улсад дөрвөн тэрбум гаруй төгрөгийн хохирол учруулсан байдаг. Үйл явдлыг эргэн сануулбал, тэрбээр 2016-2017 онд Хөдөлмөр, нийгмийн хамгааллын сайдаар ажиллаж байхдаа Хөдөлмөр эрхлэлтийн үндэсний зөвлөлийн тогтоолоор орон нутаг, нийслэлийн онцлог хэрэгцээнд нийцүүлсэн зорилтот төслийг 2017 онд хэрэгжүүлэх чиглэл, төслийн сонгон шалгаруулалт зохион байгуулах удирдамж баталсан аж. 

Тус удирдамжийн дагуу Хөдөлмөр, халамж үйлчилгээний ерөнхий газар (ХХҮЕГ)-ын дарга Б.Нямдаваагийн тушаалаар төсөл сонгон шалгаруулах ажлын хэсэг байгуулагджээ. Гэвч төсөл сонгон шалгаруулах ажлын хэсэг нэг ч удаа хуралдалгүйгээр улсын төсвөөс дөрвөн тэрбум гаруй төгрөгийн санхүүжилтийг авч, 27 аж ахуйн нэгжид хувааж, тус бүр 200 сая орчим төгрөг олгосон байна. Хэрэгт шалгагдаж байсан ХХҮЕГ-ын дарга Б.Нямдаваа, Хөдөлмөрийн асуудал хариуцсан дэд дарга Б.Шижиржаргал нар “Тухайн үед манай яамны сайдаар ажиллаж байсан Н.Номтойбаярын өгсөн үүрэг даалгаврыг биелүүлж, хууль зөрчиж зээл олгосон.

Энэ асуудалд Н.Номтойбаяр холбоотой. Бүр сайд зээл авах компаниудын жагсаалтыг бидэнд өгсөн” гэх утга бүхий мэдүүлэг өгсөн тухай эх сурвалжийн мэдээлэл ч бий.

Энэ нь эрхэм сайд төрийн өмнөөс ажиллаж байгаа нэрээр хувийн эрх ашгийг хэрхэн дээгүүрт тавьж, Монгол Улсын хууль, тогтоомжийг уландаа гишгэснийг харуулж буй юм. Олон иргэдийн итгэл найдвар, ажилтай, орлоготой байх эх үүсвэрийг тас татсаныхаа төлөө тэрбээр ердөө 5.5 жил хорих ял авч, нийтийн албанд ажиллах эрхээ л хасуулсан юм.  

Өөр нэгэн жишээ дурдъя. ЖДҮХС-гаас УИХ-ын гишүүд болон төрийн томоохон албан тушаалтнууд эрх мэдэл, албан тушаалаа урвуулан ашиглаж, их хэмжээний зээл авсан хэрэг ил болоод гурав дахь онтойгоо золгох гэж байна. Тухайн үед УИХ-ын 16 гишүүн, гурван сайд, яамдын дэд сайд, Тагнуулын ерөнхий газар, Улсын ерөнхий прокурорын газрын орлогч, МАН-ын нэр бүхий дарга нар хэдэн тэрбумаар нь зээл авсан нь тогтоогдож, өдөр өдрөөр хүмүүсийн тоо хүрээгээ тэлж, багагүй шуугиан тарьж байлаа. Харин өдгөө цөөн хэдэн хүнд ял оноосон болоод толгойг нь илээд өнгөрөх бололтой.

Тухайлбал, ЖДҮХС-гаас олгох ёстой байсан зээлийг УИХ-ын гишүүд, сайд, дарга нар болон тэдний хамаарал бүхий компани, ах дүүст их хэмжээгээр олгох ажлыг гардан гүйцэтгэсэн ХХААХҮ-ийн сайд асан Б.Батзоригт Баянзүрх дүүргийн Эрүүгийн хэргийн анхан шатны шүүхээс нийтийн албанд томилогдох эрхийг таван жилийн хугацаагаар хасаж, 40 сая төгрөгөөр торгох ял оноосон.

Мөн УИХ-ын гишүүн асан Г.Солтан гишүүний бүрэн эрхээ хэрэгжүүлэх явцдаа өөрийн үүсгэн байгуулсан “Монгол шаазан” компанидаа давуу байдал бий болгож, 950 сая төгрөгийн урт хугацаатай, хөнгөлөлттэй зээл олгох шийдвэр гаргуулжээ. Энэ хэрэгтээ тэрбээр гурван жилийн ял авч, нийтийн албанд томилогдох эрхээ таван жилийн хугацаагаар хасуулсан ч улсад учруулсан, энгийн үйлдвэрлэгчид очих ёстой байсан 950 сая гаруй төгрөгийн хохирлыг барагдуулаагүй байгаа юм. Түүнчлэн УИХ-ын гишүүн асан Б.Ундармаад холбогдох хэргийн шүүх хурал дөрвөн удаа хойшилж, өчигдөр болсноор түүнийг гэм буруутайд тооцсон. Тэрбээр ЖДҮХС-гаас “Доктор МЭИК” компаниараа дамжуулан 700 сая төгрөгийн зээл авсан хэрэгт шалгагдаж буй. Энэ мэт олон жишээ дурдаж болно. 

Манай улс хоёрын хоёр Ерөнхий сайдаа шоронд хорьсон. Хальт харвал хариуцлага хүлээлгэж буй мэт боловч үнэн хэрэгтээ үүний ард том улс төр нуугдаж буй. Ерөнхий сайд асан С.Баярыг албан тушаалын байдлаа урвуулан ашиглаж үндэслэлгүй хөрөнгөжсөн гэж үзэн нийтийн албанд ажиллах эрхийг хоёр жилээр хасаж, нээлттэй хорих ангид таван жил хорихоор болсон. Түүнийг Ерөнхий сайдын алба хашиж байхдаа “Оюутолгой” компанийн шатахууныг нийлүүлэх давуу эрхийг “Петровис” компанид олгож, энэ үйлдлээрээ  418.1 тэрбум төгрөгийн орлого олох боломж олгосон гэж үзсэн юм. Мөн энэ үйлдэлд нь хамтарсан гэх “Петровис” компанийн үүсгэн байгуулагч Ч.Даваанямыг хоёр жилээр хорьсон.

Түүнчлэн С.Баяраас 5.5 тэрбум төгрөг, Ч.Даваанямаас 5.7 төгрөгийн эд хөрөнгийг хураан авч, улсын орлого болохоор шийдвэрлэжээ. Гэхдээ олсон орлого болох 418.1 тэрбум төгрөгтэй харьцуулахад тэдэнд оноосон ял, хураан авч байгаа мөнгөний хэмжээ шувууны сангас төдий өчүүхэн. Үүнээс гадна Оюутолгой болон Дубайд байгуулсан гэрээтэй холбогдуулж шүүхээс Сангийн сайд асан С.Баярцогтод 10 жилийн хорих ял оноож, Дубайд зурагдсан гэрээтэй холбогдуулж Б.Бямбасайхан, Да.Ганболд нарт гурван жил хорих ял, төрийн албанд ажиллах эрхийг  нь дөрвөн жилээр хассан бол   Б.Ариунсан, Бадралд 1.6 жилийн хорих ял оноож, төрийн албанд ажиллах эрхийг нь тус бүр гурван жилээр хассан байна.

Мөн шүүхээс Ерөнхий сайд асан Ж.Эрдэнэбатад зургаан жилийн хорих ял оноож, төрийн албанд ажиллах эрхийг зургаан жилээр хассан. Тэрбээр Ерөнхий сайдын үүрэг гүйцэтгэгчээр ажиллаж байх хугацаандаа Тост, Тосон бумбын нурууны байгалийн нөөц газрын хилийн заагт талбай нь давхацсан тусгай зөвшөөрөл эзэмшигчтэй хэлэлцэн тохирсны үндсэн дээр нөхөн олговрын зориулалтаар тусгай зөвшөөрөл шинээр олгох талбайн солбицлыг баталсан. Энэхүү шинээр тогтоосон тусгай зөвшөөрлөө төрсөн дүү Ж.Эрдэнэтөгстэйгээ хамтран эзэмшдэг "Хэрх Илч" компанид шилжүүлжээ. Үүний дараа тусгай зөвшөөрлөө "Алтай констракшн"-ны Х.Бат-Эрдэнийн "Бэст лэнд майнинг" гэх шинээр байгуулсан компанид зарсан гэдэг үндэслэлээр ял авсан юм.

Тэд бүгд төрийн өндөр дээд албан тушаал хашиж байсан хүмүүс. Тэднээр зүгээр нэг туг дахиад өнгөрөхгүй нь тодорхой. Ирэх онд Ардын хувьсгалын 100 жилийн ой тохионо. Тэгш ойг тохиолдуулан Ерөнхийлөгч зарлиг гаргаж, олон хүнийг Өршөөлийн хуулиар шоронгоос суллах нь гарцаагүй. Тэдний тэргүүн эгнээнд дээрх улстөрчдийн нэрс бичээтэй буй гэх хардлага ч газар авсаар байна. Ял оноож байгаа нэртэй хойтон суллахаас хойш хориод яах вэ дээ, хохирлоо л барагдуулмаар байна.  

Эх сурвалж: "Үндэсний шуудан" сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Иргэд
    Зарим нь ч үнэхээр авлига албан тушаалын хэрэгтэн нь үнэн. Тиймээс ял эдлэх нь зөв. Гэтэл заримыг нь дахиж улс төрд оруулахгүйн тулд хилсдүүлж ял өгч байгаа нь аймшиг!!!
    2020 оны 08 сарын 12 | Хариулах
iШинэ мэдээ
Залуучуудын ногоон наадам болох "Спорт цогцолбор" ирэх онд ашиглалтад орно 14 цаг 42 минутын өмнө Ш.Энхтөр: Улирлын томуугийн дэгдэлтийн үеэр ЭХЭМҮТ ор нэмэлтээр дэлгэнэ 14 цаг 54 минутын өмнө “Цөмөөхэй” балетын тоглолтод оролцох хүүхдүүдийг шалгаруулна 15 цаг 39 минутын өмнө ЭТТ компанийн хувьцаа эзэмшигч 1.8 сая иргэн ногдол ашгаа авчээ 15 цаг 58 минутын өмнө Иргэдэд хууль, эрх зүйн зөвлөгөөг утсаар үнэ төлбөргүй өгнө 16 цаг 4 минутын өмнө Өнөө маргаашдаа зүүн аймгуудын нутгаар сэрүүн, бусад нутгаар дулаан байна 16 цаг 9 минутын өмнө Сайд аа! МУИС-ийн элсэлтийн авлига цахим хэлбэрт шилжив үү? 16 цаг 32 минутын өмнө С.Амарсайхан: Хүчирхийлэл үйлдэж буй этгээдүүдийн эцэг эх байх эрхийг хасдаг хууль боловсруулна 16 цаг 38 минутын өмнө Голомт банкны нэрэмжит оюутны тэтгэлэгт хөтөлбөр 16 дахь жилдээ зарлагдлаа 17 цаг 43 минутын өмнө “COVID-19”-ийн вакцин гарах хүлээлт нь хувьцааны индекс өсөхөд нөлөөлж байна 17 цаг 58 минутын өмнө Тээвэрчид өвлийн бэлтгэлээ бүрэн хангажээ 19 цаг 20 минутын өмнө Цэцэрлэгийн цахим бүртгэлд 17550 хүүхэд бүртгэгдсэн байна 20 цаг 7 минутын өмнө Хороодын албан хаагчид харилцан суралцаж, туршлага солилцов 20 цаг 17 минутын өмнө Монгол-Орос-Хятадын эдийн засгийн хамтын ажиллагааг урагшлуулахад бүх талын дэмжлэг үзүүлнэ гэв 20 цаг 41 минутын өмнө Оймсондоо мөнгө нуусан Н.Баярсайханд 2,8 жилийн хорих ял оноожээ 21 цаг 2 минутын өмнө Дотогш урссан нулимс буюу Сономын Удвал 21 цаг 14 минутын өмнө Иргэдэд автомашины “азын” гэх дугааруудыг шинээр олгохыг зогсоолоо 22 цаг 22 минутын өмнө П.Цэвэгмид: Монгол улс Венийн конвенцээс гарвал наад зах нь Улаан-Үд рүү машинтайгаа явж чадахгүй 22 цаг 41 минутын өмнө Дэлхийн анхны коронавирусийн вакциныг боловсруулсан ОХУ-д талархал илэрхийлэв 23 цаг 1 минутын өмнө Галт тэргэнд дайруулсан 15 настай охин ГССҮТ-д эмчлүүлж байна 23 цаг 16 минутын өмнө
iИх уншсан
Сүнээ эргэж ирэв ШХАБ-ын “цэрэг” Монгол руу орох уу? Ж.Баясах: Өмнөд Монголын бичиг соёлын асуудалд АНУ-ын Конгре... Эрх мэдэлд дагалдах нь Сингапурын торгууль гэж дэлхийд хосгүй зэвсэг байна Автобусны үнийг 200 төгрөг болгочихвол АН-ыг дэмжье Цэвэршилтийн тухай эмч танд юуг хэлээгүй байж болох вэ? Ерөнхийлөгч Х.Баттулга, Ерөнхий сайд У.Хүрэлсүх нар онцгой с... Хайртай хүндээ хайр ерөөх ухаан буюу Долли Партоны “Мөрөөдли... Михаил Афанасьевич Булгаков "Ган хоолой" Ц.Элбэгдорж: Олон орны Ерөнхийлөгчийг хааныхаа хөшөөнд мөргү... Монгол улс дампуурлын ирмэгт ирлээ АРДЧИЛАЛ ба ТҮГЖРЭЛ П.Цэвэгмид: Монгол улс Венийн конвенцээс гарвал наад зах нь ... С.Амарсайхан: Хүчирхийлэл үйлдэж буй этгээдүүдийн эцэг э... Сайд аа! МУИС-ийн элсэлтийн авлига цахим хэлбэрт шилжив үү? ЗГ-ын тайлбар: Б.Сүндэръяад хэзээ ч ажлын санал тавьж байгаа... "Иргэдийн хуралд эрх мэдэлтнүүдийн ГАР ХӨЛ биш ИРГЭДИЙН ТӨЛӨ... Талийгаач охиныг эмээ, өвөө дээрээ Архангай аймагт байхад нь... УИХ-ын дарга Г.Занданшатар БНХАУ-ын Гадаад хэргийн сайд Ван ...
Top