УИХ-ын ээлжит сонгуульд ХУД-ийн 29-р тойрогт нэр дэвшигч Г.Амартүвшинг “Монгол Улсын иргэн биш” гэх гүтгэлэгийг сошиалаар түгээсэн. Үүний хариуд тэрээр Улсын Бүртгэлийн Ерөнхий газраас “Г.Амартүвшин нь Монгол Улсын иргэн” гэдгийг тодорхойлсон баримтыг зургаадугаар сарын 11-ний пүрэв гарагт олон нийтэд дэлгэсэн билээ.

Гэтэл түүнийг “Монгол Улсын харьяатаас гарсан” хэмээн үргэлжлүүлэн гүтгэх болсон юм. Тэгвэл өнөөдөр Г.Амартүвшин дахин баримттайгаар хариу барьжээ. Энэ удаад нэр дэвшигч Г.Амартүвшин Гадаадын иргэн, харьяатын газрын баримтыг хавсаргасан байна.

Гадаадын иргэн, харьяатын газраас “УИХ-ын 2020 оны ээлжит сонгуульд нэр дэвшигч Огниуд йеншөөбү овогт Ганибалын Амартүвшин нь Монгол Улсын харьяатаас гарсан болон харьяатаас гарах хүсэлт гаргасан иргэдийн мэдээллийн санд бүртгэгдээгүй байна” хэмээн тодорхойлжээ.

Г.Амартүвшин ирэх долоо хоногт ч дахин гүтгэлгийг няцаах баримтууд дэлгэнэ гэдгээ илэрхийлсэн байна.