x

Дотооддоо тав тухтай, зөв аялцгаая

Аялал жуулчлалын салбарын бүх бүтээгдэхүүнийг нэг дороос авах боломж олгодог “Улаанбаатар трэйвэл экспо” үзэсгэлэнг энэ жил зургаа дахь удаагаа зохион байгуулахдаа анх удаа цахим хэлбэрээр хийлээ. Улаанбаатар аялал жуулчлалын холбооноос зохион байгуулсан уг үйл ажиллагааг БОАЖЯ, Нийслэлийн аялал жуулчлалын газар, “Тourism marketing agency” зэрэг байгууллагууд дэмжин ажилласан байна. Харин үзэсгэлэнд энэ салбарт хамаарах 78 байгууллага, холбоо оролцож үйл ажиллагаа, бүтээгдэхүүн үйлчилгээгээ танилцуулжээ.

Энэ жилийн тухайд дэлхий нийтээр халдварт өвчин тархсан онцгой нөхцөл үүссэн. Тиймээс дотоодын аялал жуулчлалд гол анхаарлаа хандуулж байгаа бөгөөд   “Төлөвлөе, аялая, суралцъя” гэсэн уриа дэвшүүлснийг зохион байгуулагчид онцолж байлаа.

 “Дэлхий дахины жишгийг харахад гадаад жуулчдаас илүү дотоодын жуулчдаас олох орлого тухайн газар, орон нутгийн хувьд хамаагүй илүү байдаг. Ялангуяа энэ жил цар тахалтай холбоотойгоор дотоодын жуулчиддаа илүү анхаарсан үйлчилгээ, үйл ажиллагаа явуулах болсныг бид том боломж гэж харж байна. Монголчууд ч гэсэн улсынхаа дурсгалт, байгалийн үзэсгэлэнт газруудаар аялахдаа утга учрыг нь сайн ойлгож, тав тухтай аялахад аялал жуулчлалын байгууллагуудыг сонгон үйлчлүүлэхийн ач холбогдол их бий. Бидний аялахдаа байнга очдог газрууд  баялаг түүх, өвөрмөц үзвэр ихтэй байдаг ч зүгээр нэг үзээд өнгөрөх биш үнэт зүйлсийг нь мэдэж авах нь чухал юм” гэж Улаанбаатар аялал жуулчлалын холбооны тэргүүн Ё.Бадрал хэллээ. Түүний хэлсэн үгнээс анхаарал татсан зүйл бол бид дотооддоо аялахдаа ч мэргэжлийн компаниудад хандаж үйлчилгээ авахын давуу талыг онцолсон явдал юм. Монгол дотроо аялах замаа мэддэг, өөрсдөө явчихаж чадах байтал яагаад заавал аялал жуулчлалын компаниудад мөнгө төлөх ёстой гэж. Тэгвэл энэ бол гэртээ хоолоо хийгээд идчихэж болох байтал ресторанаар үйлчлүүлдэгтэй ижил ойлголт гэдгээр тэрээр тайлбарлалаа. Гэрээс илүү тансаг орчинд мэргэжлийн тогоочийн хоолыг амтлахыг хүсдэгтэй адил маршрутаа гаргуулж тухайн аяллаас илүү их зүйл мэдрэх боломжийг аялал жуулчлалын компаниуд олгож байгаагаараа онцлогтой гэлээ. 

Монголдоо аялана гэхээр бид Хөвсгөл нуур, Хамарын хийд зэргээр л төсөөлдөг шүү дээ. Харин манай дотоодын аялал жуулчлалын салбар хэр хэмжээнд хөгжсөнийг энэхүү цахим үзэсгэлэн дэлгэрэнгүй харуулсан юм. Түүхэн болон байгалийн дурсгалт газруудын аялалыг тайлбарлагч, судлаачидтай хамт хийх, эх орноороо бүтэн тойрох, гэр бүлээрээ тухтай аялах амралт, эмчилгээ сувилгааны, шашинтай холбоотой буяны зэрэг аяллын олон хөтөлбөрийг компаниуд санал болгож байгаа юм байна. 

Тухайлж онцлоход час хийсэн “халуун ногоотой хоол”-нд дурлагсдад зориулсан экстрим төрлийн аяллууд ч цөөнгүй байсан юм. Монгол Улсад одоогоор хамгийн хамгийнд тооцогдох 110 метр урт,  20-25 метр өндөрт байрлах хөдөлгөөнт дүүжин гүүрээр явж үзэх, зориулалтын гүний шумбалтын хэрэгсэл ашиглан шумбах, 420 метр урт 30 метр өндөрт байрлах троссон замаар “нисэх”, хамгийн өндөрт тооцогдох 25 метр туулах зам бүхий байгалийн ханан хадан дээр авирах зэрэг хийж үзэх сонирхолтой зүйлс олон байна. Ингэхдээ та заавал туршлагатай байх албагүй, мэргэжлийн зааварлагчийн заавраар аюулгүй байдлыг бүрэн хангасан хэрэгслүүдийг ашиглах тул санаа зовох зүйлгүй аж.

Хэрэв аялалд олон хоног зарцуулж, хол явах боломжгүй бол заавал хотоос  гарах ч шаардлага байхгүй. Тэрэлж, Гачуурт зэрэг нийслэлийн ногоон бүсэд “Зугаатай зун” хөтөлбөр хэрэгжүүлж байгаа компаниуд Туул голын хөндийгөөр дугуй, завиар аялах гэх мэт төрөл бүрийн арга хэмжээг санал болгож байсан юм. 

Улсынхаа үзэсгэлэнт байгальд морьтой болон тэмээтэй аялах олон маршрут мөн үзэсгэлэнд багтжээ. Амралт зугаалгаар явах нэрээр улам ядраад ирдэг гэсэн хөгжилтэй шог яриа байдаг шүү дээ. Тэгвэл амралтаа “амралт” гэдэг утгаар нь өнгөрөөхийг хүсч байвал  иог, бясалгалын хичээл, халуун рашаан, эмчилгээ сувиллын төрлийн аяллаас сонгож болж байна.

Сонирхол татсан бас нэгэн аялал бол түүхэн газрын маршрут байлаа. “Цайны зам” гэдэг үг их танил байгаа биз. Энэ бол олон орон, төрөл бүрийн соёлыг холбож байсан эртний худалдааны томоохон замуудыг хэлдэг. 13 мянган километр урт тус замын 1150 километр нь манай улсын нутагт 20 өртөөгөөр дамжин өнгөрдөг аж. Тэгвэл бид энэ замаар аялах боломж ч байна.  Мэргэжлийн судлаачтай хамт аялахаараа бас онцлогтой аж.

“Улаанбаатар трэйвэл экспо” үзэсгэлэнгийн онцлох бүтээгдэхүүний төрлүүдээс та бүхэнд хүргэхийг зорилоо. Хэдийгээр халдварт өвчин дэгдсэн хүнд цаг үе болж байгаа ч аяллын байгууллагууд дотоодын жуулчиддаа илүүтэй анхаарч, тус үзэсгэлэнгээр дамжуулан монголчууд улс дотроо сонирхолтойгоор аялах олон санааг шинээр харах боломжтойг ийнхүү харуулсан юм. Мөн байгальдаа ээлтэй,  зөв аялахыг жуулчдад дахин дахин сануулж байлаа. 

Аяллаар дамжуулан ирээдүй хойчдоо байгаль орчин, ёс заншил, үндэсний соёл ахуйгаа хайрлан хамгаалах талаар сурталчилах нь бас нэг том зорилго. Тиймээс “Аваад ирсэн юм чинь аваад буцах” зуршлыг хэвшүүлчихвэл хог, бохирдлын асуудал гарахгүй гэж Ё.Бадрал дарга мөн онцолсон. Хогноос гадна хөдөө хээр гал алдах эрсдэл өндөр байгааг Төв аймгийн аялал жуулчлалын холбооны тэргүүн Л.Оюунбилэг хэллээ. Аялал жуулчлалын компаниуд эдгээр эрсдлээс сэргийлэхээс гадна жуулчид ч бас өөрсдөө хичээх хэрэгтэй юм. Мөн дотоодын жуулчдад гардаг түгээмэл асуудал бол очих гэж буй газрынхаа талаар хангалттай мэдээлэл цуглуулдаггүй. Тухайн газрынхаа учир утга, нарийн зүйлсийг мэдэхгүй аялахаар аялалын зорилго тодорхойгүй болчихдог. Тэгвэл тав тухтай, зөв аялахад аялалын хөтөчтэй явах, аялал жуулчлалын компаниудаар үйлчлүүлэх нь ач холбогдолтойг тус үзэсгэлэнгээс харуулахыг зорьжээ.

Эх сурвалж: “Зууны мэдээ” сонин

2020.6.3  ЛХАГВА № 109 (6334)

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
С.Бямбацогт: Парламентад суудалтай намуудын дарга нараас ойлголцол, зөвшилцлийн Зөвлөл байгуулж ажиллана 5 цаг 51 мин Ерөнхийлөгч У.Хүрэлсүхийг өөрийнх нь хүсэлтээр үүрэгт ажлаас нь чөлөөллөө 7 цаг 33 мин Хууль бус хөрөнгө хураан авах тухай хуулийн төслийг УИХ-д өргөн барина 12 цаг 9 мин Ш.Алтангадас: Ерөнхийлөгчийн бүрэн эрхийг УИХ-ын дарга хэрэгжүүлэх нь хуулийн практикт цоо шинэ нөхцөл үүсгэж байна 12 цаг 23 мин Ч.Өнөржаргал: Цагдаагийн байгууллага хүний нэр хүндэд халдаж байна 12 цаг 36 мин У.Хүрэлсүх эргэн ирэлт хийх үү? 15 цаг 1 мин Дээд шүүхийн “дээвэр” нурчихсан уу? 15 цаг 11 мин Ерөнхий сайд аа, АТГ, УЕПГ Таны “Ажлын алба” биш! 15 цаг 50 мин Цахилгааны 1.05 сая тоолуурын 855.1 мянгыг нь ухаалаг тоолуурт шилжүүлжээ 16 цаг 1 мин Ц.Идэрбат: Тариалан эрхлэгчдэд олгох хөнгөлөлттэй зээлийн хүртээмжийг нэмэгдүүлнэ 16 цаг 20 мин Нөмрөгийн түймрийн хохирлын үнэлгээг хуулийн байгууллагад шилжүүлжээ 16 цаг 27 мин Агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна 16 цаг 38 мин Г.Ганбаатар: Засгийн газрын өр 16 тэрбум ам.долларт дөхсөн нь цаашид анхаарах ёстой маш том дохио 16 цаг 48 мин Монгол Улс ба НҮБ-ын Тогтвортой хөгжлийн хамтын ажиллагааны 2028-2032 оны хүрээг хэлэлцэв Уржигдар 18 цаг 18 мин “Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна Уржигдар 18 цаг 00 мин Юун Ялта, юун дэлхийг хуваах! Уржигдар 17 цаг 30 мин Шөнийн автобус 22:00-02:00 цагийн хооронд үйлчилж байна Уржигдар 17 цаг 24 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал Уржигдар 17 цаг 19 мин Засгийн газар: Төрийн өмчит компанийн тоог 85 болгон цөөлнө Уржигдар 16 цаг 35 мин ТББХ Ерөнхийлөгчийн чөлөөлөгдөх хүсэлтийг дэмжлээ Уржигдар 16 цаг 22 мин
iИх уншсан
Ж.Шагжийн нэрэмжит олон улсын эрдэм шинжилгээний хурал болно... Аймгийн заан Ц.Гонгорын нэрэмжит УАШТ-д Р.Омар түрүүллээ Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Юун Ялта, юун дэлхийг хуваах! З.Мэндсайхан: Тэтгэвэр, цалингийн нэмэгдлээр дамжуулан ажлын... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... Нөмрөгийн түймрийн хохирлын үнэлгээг хуулийн байгууллагад ши... У.Хүрэлсүх: Гүтгэлэг худал болохыг нотлохын тулд ажлаа өгч б... 1926-1930 онд Герман улсад суралцсан монгол залуучуудын боло... Д.Трамп Хятадад Ким Жөн Унтай уулзаж магадгүй гэв Цагаачд иргэдийн шинэ цуваа АНУ-ын хилийг чиглэв Хятадын арбитр: Манай төрийн өмчит банкуудаас татсан зээлүүд... Энэ онд 51 байршилд 63.47 км авто замыг шинэчлээд байна “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top