Улсын Дээд шүүхийн шүүгчдийн зөвлөгөөн өнөөдөр болж олонхын саналаар Д.Ганзоригийг Улсын Дээд шүүхийн Ерөнхий шүүгчээр томилуулахаар Монгол Улсын Ерөнхийлөгчид өргөн мэдүүлэхээр тогтлоо.

Д.Ганзориг нь МУИС-ийн Хууль зүйн сургууль төгссөн, хуульч мэргэжилтэй. Тэрээр Анхан шатны шүүхэд шүүгчийн туслахаар 5 жил, Сонгинохайрхан дүүргийн шүүхэд шүүгчээр 9 жил ажилласан бөгөөд одоо Улсын Дээд шүүхэд шүүгчээр ажиллаж байна. Түүнийг 2019 оны 4 сард мөн Улсын Дээд шүүхийн Ерөнхий шүүгчээр томилох саналыг шүүгчдийн зөвлөгөөнөөс гаргаж байсан юм. 

Эргэн сануулахад, Ерөнхийлөгч Х.Баттулга энэ сарын 20-нд зарлиг гаргаж Улсын дээд шүүхийн Ерөнхий шүүгч Х.Батсүрэнг өөрийнх нь хүсэлтээр ажлаас чөлөөлсөн билээ.