Өнөөдөр үдээс хойш хуралдсан УИХ-ын нэгдсэн чуулганаар Засгийн газраас боловсруулсан "Коронавирусийн халдварт цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх" багц арга хэмжээний талаарх УИХ-ын тогтоолын төслийг хэлэлцэж, гишүүдийн олонхийн саналаар баталлаа.
Мөн Төсвийн байнгын хороо дэмжиж, нэмэлтээр оруулж ирсэн,
- Дэлхийн улс орнуудад хэрэгжүүлж байгаа сайн туршлагыг нэвтрүүлж, төр, хувийн хэвшлийн байгууллагуудын албан хаагчдыг цахимаар ажиллах нөхцөлийг хангах
- Боловсролын алсын зайн сургалтын үйлчилгээ үзүүлэх
- Хүнсний аюулгүй байдлыг хангах хяналт бүхий цахим худалдааг дэмжих
- Импортын бүтээгдэхүүнүүдийг орлох, дотоодод үйлдвэрлэдэг хүнсний бүтээгдэхүүнүүдийн үйлдвэрлэлийг нэмэгдүүлэх, хангамжийг сайжруулах зорилгоор үндэсний үйлдвэрлэгчдээ дэмжих арга хэмжээнд шаардлагатай үнэ, тарифын хөнгөлөлтийг үзүүлэх,
- ЖДҮХС-ийн хөрөнгийг нэмэгдүүлэх саналыг чуулганд оролцсон гишүүдийн 69.3 хувийн саналаар баталсан байна.
Мөн хуралдаанаар,
- ААНОАТ-өөс хөнгөлөх, чөлөөлөх тухай
- Татварын алданги, торгуулиас чөлөөлөх тухай
- ХХОАТ-аас чөлөөлөх тухай
- Гаалийн албан татвараас чөлөөлөх тухай
- НӨАТ-аас чөлөөлөх тухай
- НДШ-ээс чөлөөлөх
- Ажилгүйдлийн даатгалын сангаас дэмжлэг үзүүлэх тухай
- Нийгмийн даатгалын шимтгэл төлөгчийг торгох шийтгэл, алдангиас чөлөөлөх тухай
- Олон улсын гэрээний тухай хуульд нэмэлт, өөрчлөлт оруулах тухай хуулийн төслүүдийн эцсийн хэлэлцүүлгийг хийж, олонхийн саналаар баталлаа.
