Коронавирусийн халдварын улмаас Монгол Улсын хэмжээнд хорио цээрийн дэглэмд шилжиж, хилээ хааснаас хойш таван удаа тусгай үүргийн нислэг үйлдэж, 983 иргэнээ эх оронд нь авчирсан билээ. Гэвч цаана нь эр орондоо буцах хүсэлтээ өөрийн улсын дипломат төлөөлөгчийн газруудад гаргасан 4,805 иргэн байгаа аж.
Энэ дагуу:
- Дөрөвдүгээр сарын 2-нд БНСУ,
- Дөрөвдүгээр сарын 3-нд Япон,
- Дөрөвдүгээр сарын 4-нд мөн БНСУ руу тусгай үүргийн онгоц илгээж, нийт гурван удаагийн нислэгээр 750 гаруй иргэнийг эх оронд нь авчрахад бэлэн болсон тухай хэмээн УОК-ийн Шуурхай штабаас ОБЕГ-ын дарга П.Бадрал мэдээллээ.
Тэдгээр иргэдийг эх орондоо ирснийх нь дараа хамгийн багадаа 21 хоног тусгаарлана гэв.
Бусад улс орнуудын хувьд ч ялгаагүй, гадаад улсаас өөрсдийн иргэдийг татан авах ажлыг зохион байгуулж байгаа аж. Тухайлбал, өнөөдөр Австрали улсын Засгийн газрын хүсэлтээр тус улсын зургаан иргэнийг эх орон луу нь явуулах ажлыг зохион Шуурхай штабаас зохион байгуулжээ. Мөн БНСУ хүсэлтээ гаргаж, ирэх амралтын өдрүүдээр 200 солонгос иргэнийг манай улсаас татан авахаар болсон байна.
