"Тhe Hu" хамтлаг Япон улсад хийх тоглолтоо хойшлуулахаар болсноо мэдэгдлээ.
Шинэ төрлийн коронавирусийн халдвар дэлхийн 120 гаруй улсад тархаж, халдварын 118000 гаруй тохиолдол бүртгэгдээд байна.
Вирусийн тархалт олон улсад хурдтай нэмэгдэж буйтай холбогдуулан тус хамтлаг уг шийдвэрийг гаргажээ.
Хамтлагийн мэдэгдэлд “Шинэ төрлийн коронавирусийн аюул заналхийлж байгаа тул “The Hu” хамтлагийн Япон дахь аялан тоглолт хойшлогдож байгааг мэдэгдье. Нөхцөл байдал хэвийн болмогц тоглолтын талаарх мэдээллийг даруй хүргэх болно. Тасалбар худалдан авсан, тоглолтоо тэсэн ядан хүлээж байсан та бүхнээс хүлцэл өчье” гэжээ.
