Монголын жүдо бөхийн шигшээ баг 2020 оны эхний олон улсын тэмцээнээ Францын нийслэл Парис хотоос эхлүүлэх гэж байна. Жүдочид маань өнөөдөр “Их дуулга”-ын тэмцээнд хүч үзэхээр мордлоо.

Энэ сарын 8-9-ний хооронд Парис хотноо болох “Их дуулга” тэмцээнд 122 орны 766 жүдоч оролцох бөгөөд манай улсаас 21 хүнтэй баг оролцох юм.

Багийн бүрэлдэхүүнд: 

Эмэгтэйчүүд:

• 48 кг МУГТ М.Уранцэцэг /Дэлхийн аварга/, ОУХМ Г.Наранцэцэг,

• 52 кг Б.Хорлоодой, Л.Сосорбарам,

• 57 кг МУГТ Д.Сумьяа /олимпийн мөнгөн медальт, дэлхийн аварга/,

• 63 кг МУГТ Б.Мөнгөнчимэг, ОУХМ Б.Ганхайч,

• 70 кг М.Даваасүрэн,

• -78 кг-д О.Мөнгөнцэцэг нар;

Эрэгтэйчүүд:

• 60 кг ОУХМ Л.Өнөбoлд, МУГТ Д.Амартүвшин /ДАШТ-ий мөнгөн медальт/,

• 66 кг ОУХМ Г.Хэрлэн, Ё.Басхүү,

• 73 кг МУГТ Г.Одбаяр /ДАШТ-ий хүрэл медальт/, ОУХМ Ц.Цогтбаатар,

• 81 кг О.Ууганбаатар, Н.Дагвасүрэн,

• 90 кг Г.Алтанбагана,

• -100 кг Л.Отгонбаатар,

• +100 кг-д Хөдөлмөрийн баатар Н.Түвшинбаяр /олимпийн аварга /, ОУХМ Ө.Дүүрэнбаяр/ДАШТ-ий хүрэл медальт/ нар хүч үзэхээр болжээ.

Манай жүдочид тус тэмцээний дараа Парис хотноо хамтарсан бэлтгэл хийх бөгөөд үүний дараа Дюсселдорфийн “Их дуулга” тэмцээнд хүч үзэх юм.