Шинэ төрлийн коронавирусийн эрсдэлээс урьдчилан сэргийлэх үүднээс гуравдугаар сарын 2-ны өдрийг хүртэлх хугацаанд олон нийтийг хамарсан арга хэмжээ зохион байгуулахыг хориглосон. Үүнээс улбаалан МҮОХ төлөвлөгөөт ажлуудыг хойшлуулаад байгаа юм.

Монголын үндэсний олимпын хороо /МҮОХ/-ны гишүүдийн ээлжит бус хурлаа хорио цээрийн хугацаа дууссаны дараа буюу ирэх сарын 6-ны өдрийн 10:00 цагт товлосон байна. 

Тус хурлаар МҮОХ-ны Гүйцэтгэх зөвлөл дэх сул орон тоо /ерөнхийлөгч, дэд ерөнхийлөгч/-ны хүнийг сонгох сонгууль явагдах юм байна.

Эргэн сануулахад, МҮОХ-ны ерөнхийлөгч Д.Загдсүрэн өнгөрсөн оны аравдугаар сарын 3-нд эрүүл мэндийн байдлаас үүдэн ажлаас чөлөөлөгдөх хүсэлтээ өгснийг, гүйцэтгэх зөвлөл хүсэлтийн дагуу шийдсэн байна.