Оюуны Ундраа Групп нь Нийгмийн хариуцлагынхаа хүрээнд өвлийн спортыг дэмжиж Зайсан дахь хамгийн анхны Zaisan Iceland нэртэй мөсөн талбайг байгуулжээ. Мсөн талбайн нээлтийг энэ сарын 3-нд нээсэн байна. Соёл амралтын Зайсан Хилл цогцолборт байрлах Zaisan Iceland мөсөн талбайд хүүхэд залуучуудыг тав тухтай орчинд цагийг зөв боловсон өнгөрүүлэхэд нь зориулан ногоон байгууламж бүхий эко амрах орчныг бүрдүүлжээ.
Хүүхэд, залуучууд энэ сарын 13-ыг хүртэл тэшүүртэйгээ ирээд Zaisan Iceland мөсөн талбайд үнэ төлбөргүй гулгах боломжтой. Тэшүүрийн спорт нь эрүүл мэндийн хувьд хамгийн хялбар, зугаатай дасгал хөдөлгөөн болдог бөгөөд стресс тайлах, анхаарал төвлөрөх, тэнцвэр сайжрах, цагийг зөв боловсон өнгөрүүлэх зэрэг олон талын ач тустай өвлийн спортын төрөл юм.
Монгол улсын хувьд Олимпын наадмын шинэ хуудас Австри улсын Инсбрук хотоос эхэлсэн байдаг бөгөөд 1964 оны Өвлийн Олимпын наадамд 4 төрлөөр нийт 13 тамирчдын бүрэлдэхүүнтэй оролцож байжээ. Манай улсын баг тамирчид Тэшүүрийн спортын төрлөөр олон улсын тэмцээнүүдээс алт, мөнгө, хүрэл медалиуд хүртэж байсан бөгөөд тэшүүрийн 10,000 метрийн зайд Ази тивийн рекордыг хоёр удаа шинэчлэн тогтоож байжээ.
